Sivarai Iharuana 27:1-9
-
Iotama, Iuda ena king (1-9)
27 Iotama+ ena mauri lagani be 25 neganai, king ai ia lao, bona Ierusalema ai lagani 16 lalonai ia lohia. Iena sinana be Ierusa, Sadoka ena natuna kekeni.+
2 Iotama be Iehova ena vairanai kara maoromaoro ia karaia noho, ena tamana Usaia hegeregerena,+ to Iehova ena dubu helaga lalonai ia vareai kava lasi.+ To taunimanima be kara dikadia idia karaia noho.
3 Ia ese Iehova ena ruma ena Ataiai Geiti ia haginia,+ bona Opele ena magu ia habadaia.+
4 Danu Iuda ena ororo gabudiai siti haida ia haginia,+ bona au momo gabudiai magu aukadia+ bona kohoro+ ia haginidia.
5 Amono taudia edia king ia tuari henia+ bona ia halusidia, vadaeni unai lagani ai Amono taudia ese Iotama dekenai 100 siliva talent,* witi 10,000 kor,* bona bali 10,000 idia henia. Danu lagani iharuana bona ihatoina ai Amono taudia be unai bamona idia karaia.+
6 Vadaeni Iotama ena siahu ia bada ia lao, badina iena Dirava Iehova vairanai dala maorona ia badinaia.
7 Iotama ena sivarai ibounai, ia karaia tuaridia bona ia karaia gaudia ibounai, be Israela bona Iuda edia King Taudia Edia Buka lalonai idia torea.+
8 Ena mauri lagani be 25 neganai, king ai ia lao, bona Ierusalema ai lagani 16 lalonai ia lohia.+
9 Bena Iotama be ia mase* bona Davida Ena Siti+ dekenai idia guria. Bona ena natuna Ahasa be king ai ia lao.+
Futnout
^ Heb., “ena sene taudia ida ia hekure.”
