Habakuku 3:1-19
3 Peroveta tauna Habakuku ena guriguri, mai lalohisihisi anedia ida:*
2 Iehova e, emu sivarai lau kamonai.
Iehova e, oi karaia gaudia dekenai lau hoa bada.
Emai nega lalonai* mani oi karaia lou!
Emai nega lalonai* mani oi hahedinaraia.
Nega dika lalonai mani emu hebogahisi oi hahedinaraia.+
3 Dirava be Temana amo ia mai,Helaga Diravana be Parana Ororo amo ia mai+ (Sela)*Iena hairai ese guba ia koua,+Tanobada be ia idia hanamoa taudia amo ia honu.
4 Iena diari be dina bamona ia diaridiari.+
Ena imana amo diari rua idia hedinarai,Unuseniai iena goada ia hunia.
5 Gorere dikana be iena vairana ai ia lao guna,+Bona fiva gorere be ia murinai ia lao.
6 Ia gini bona tano ia hamarerea.+
Bese ia itadia bona mai gari ida idia heudeheude.+
Idia noho hanaihanai ororodia idia makohi,Bona idaunegai ororo maragidia idia moru.+
Idaunega amo ia be unai bamona ia karaia.
7 Lau ese Kusu ena palai ruma lalodiai lalohisihisi lau itaia.
Midiana tanona ena palai rumadia edia dabua idia mareremarere.+
8 Iehova e, oi be sinavai ibounai dekenai oi badu,Sinavai ibounai dekenai emu badu be bada herea, a?
Eiava oi be davara oi badu henia, a?+
Badina oi be emu hosi momo amo oi heau,+Bona emu kariota be idia kwalimu.*+
9 Oiemu peva oi abia raka-lasi, bona oi hegaegae oi pidia totona.
Gwauhamata hegeregerena diba be idia hegaegae edia gaukara karaia totona. (Sela)
Sinavai momo amo tanobada oi hapararaia.
10 Ororo be oi idia itaia bona hisihisi idia mamia.+
Ranu bada herea ia diho bona ia aru lao.
Ranu ena dobu gabudia idia boiboi badabada.+
Bona edia imana be atai dekenai idia abia isi.
11 Dina bona hua be guba dekenai idia gini noho, idia marere lasi.+
Emu diba be diari bamona oi pidia lao.+
Emu io be kevaru bamona ia diaridiari.
12 Mai badu ida tanobada latanai oi raka lao.
Oi badu dainai bese oi moidia.*
13 Oi raka lao emu taunimanima oi hamauria totona, bona oi horoa tauna oi hamauria totona.
Kara dika tauna ena ruma gunalaia tauna* oi moia patapata.
Ruma ena badina amo ia daekau lao ena guhi* be idia dika ore. (Sela)
14 Lai guba bamona idia mai lau idia lulua gwauraia neganai,Oi ese ena tuari taudia edia kwarana be edia io amo oi gwadaia.
Idia ese hunia dalanai hisihisi ia davaria tauna idia hadikaia neganai, idia moale.
15 Emu hosi momo ida davara lalonai umui heau lao,Davara ena hurehure lalonai umui heau lao.
16 Lau kamonai bona lau heudeheude.*
Unai sivarai lau kamonai dainai, egu udu bibina idia mareremarere.
Egu turia idia bodaga,+Egu aena idia heudeheude.
To mai regerege lasi ida lalohisihisi dinana lau naria noho,+Badina ai idia tuari henia taudia latanai do ia mai.
17 Ena be fig auna be iena flaoaflaoa ia atoa lasi,Bona vain auna dekenai huahua be lasi,Bona olive auna ese huahua ia atoa lasi,Bona uma gabu ai aniani be lasi,Bona mamoe edia ruma dekenai mamoe be lasi,Bona boromakau edia ruma dekenai boromakau be lasi,
18 To, lau be Iehova dekenai do lau moale,Lau ia hamauria Diravana dainai do lau moale.+
19 Siahu Ibounai Lohiabadana Iehova be egu goada.+
Egu aena be dia edia aena bamona do ia halaoa,Bona ataiai gabudia dekenai lau do ia hakaua lao.+
Ane abia taudia ia naria tauna dekenai: Egu miusiki gaudia mai edia varo ida ane umui abia.
Futnout
^ Eiava “mase negana ai idia abia anedia.”
^ Heb., “lagani edia huanai.”
^ Heb., “lagani edia huanai.”
^ Eiava “hahemauri idia mailaia.”
^ Heb., “hamakohidia maragimaragi.”
^ Heb., “kwarana.”
^ Heb., “aiona.”
^ Heb., “bona egu bogana ia mareremarere.”
