Salamo 116:1-19
116 Iehova lau lalokau henia,Badina heduru totona lau noinoi neganai, egu gadona ia kamonai.*+
2 Ia ese egu hereva ia kamonai namonamo,*+Bona lau mauri noho lalonai ia dekenai do lau boiboi.
3 Mase ena varo ese lau ia kwatua auka.Mase Gurina ese lau ia dogoatao auka.+Lau be hisihisi bona lalohekwarahi bada lau davaria.+
4 To Iehova ena ladana dekenai lau boiboi:+“Iehova e, lau oi hamauria!”
5 Iehova be kara namo bona kara maoromaoro Diravana,+Iseda Dirava be hebogahisi Diravana.+
6 Iehova be diba bada lasi tauna ia gimaia.+Egu goada be ia ore momokani, bona ia ese lau ia hamauria.
7 Hari egu lalona do ia hekwarahi lou lasi,Badina Iehova ese lau ia kara namo henia.
8 Oi ese mase amo lau oi hamauria,Egu mata ranu oi dahua, egu aena oi gimaia ia dedi lasi totona.+
9 Egu mauri ibounai lalonai Iehova vairanai do lau raka.
10 Ena be hisihisi bada lau davaria,To egu abidadama dainai, lau hereva.+
11 Lau be lau gari, bona lau gwau:“Taunimanima ibounai be koikoi taudia.”+
12 Iehova be lau totona gau namodia ia karaia dainai,Ia dekenai dahaka do lau henia lou?
13 Lau be hahemauri ena kapusi do lau abia dae,Bona Iehova ena ladana dekenai do lau boiboi.
14 Iehova ena taunimanima ibounai vairanai,Lau be ia dekenai egu gwauhamata do lau hagugurua.+
15 Abidadama hesiai taudia idia mase neganai,Iehova vairanai, unai be gau namo hereana* ta ia boio bamona.+
16 Iehova e, oi lau noia,Badina lau be emu hesiai tauna.Lau be emu hesiai tauna, emu hesiai kekeni ena natuna mero.Oi ese lau ia guia gauna amo lau oi ruhaia.+
17 Lau ese oi dekenai tanikiu henia boubouna do lau henia.+Lau be Iehova ena ladana dekenai do lau boiboi.
18 Iehova ena taunimanima ibounai vairanai,Lau be ia dekenai egu gwauhamata do lau hagugurua,+
19 Iehova ena ruma ena ariara gabudia ai,+Ierusalema ena huana dekenai.Iah hanamoa!*+
Futnout
^ Eiava reana, “Iehova lau lalokau henia badina ia kamonai.”
^ Eiava “ia kamonai totona ia igo diho.”
^ Heb., “dava bada gauna.”
^ Eiava “Aleluia!” “Iah” be Iehova ena ladana kwadogina.
