Emu gado regena io habadaia o hamaragia. Emu gado regena oi habadaia bema oi ura point badadia oi hahedinaraia bona kamonai taudia edia kudouna oi hamarerea. Bema Baibel amo hahemaoro herevadia oi duahia, emu gado regena oi habadaia. Emu gado regena oi hamaragia kamonai taudia ese gabeai do oi gwauraia herevana idia naria, o idia dekenai gari bona lalohekwarahi ena hemami oi hahedinaraia totona.

Emu gado regena ena tiuni oi haidaua. Reana oi herevalaia gado hegeregerena, emu gado regena ena tiuni oi hadaea unai amo moale hemamina oi hahedinaraia o gau ta ena bada eiava daudau oi hahedinaraia. Emu tiuni oi hadihoa bema oi ura lalohisihisi o lalohekwarahi hemamina oi hahedinaraia.

Emu hereva ena spid oi haidaua. Oi hereva haraga bema gau ta oi moalelaia o hoalaia. Oi hereva metaira bema point badadia oi herevalaia.