KAHANA 6
Noa Ena Negai Idia Vara Karadia amo Dahaka Ita Dibaia?
Dirava ese kara dika taudia ia hadikaia ore, to Noa bona ena famili ia hamauridia. Genese 7:11, 12, 23
Medu be dina 40 bona hanuaboi 40 ia diho, bona ranu ese tanobada ibounai ia koua. Kara dika taudia ibounai idia mase.
Gwau-edeede anerudia be tanobada tauanidia idia rakatania bona demoni ai idia lao.
Lagatoi lalonai idia noho taudia idia roho mauri. Ena be lagani momo murinai Noa bona ena famili idia mase, to gabeai, Dirava ese do ia hatoredia isi lou bena do idia mauri hanaihanai.
Dirava ese kara dika taudia do ia hadikaia ore lou bona taunimanima namodia do ia hamauria. Mataio 24:37-39
Satani bona demoni be taunimanima idia koia noho.
Noa ena negai bamona, hari inai negai, momo be Iehova ena hakaua hereva namodia idia dadaraia. Kahirakahira, Iehova ese kara dika taudia ibounai do ia hadikaia ore.—2 Petero 2:5, 6.
Taunimanima haida be Noa bamona. Idia be Dirava idia kamonai henia bona Iena ura idia karaia; idia be Iehova ena Witnes taudia.
Reana Inai Danu Oi Ura
BUKA BONA BUKLET IDAUIDAU
Daika ese Inai Tanobada Ia Biagua?
Baibel ena haere oi diba neganai do oi hoa. Oi tahua dahaka dainai ia be mai anina bada bona vaira negana ai edena bamona oi do ia durua.
