Heva ese gaigai ia kamonai henia, bena au huahuana ia ania. Unai murinai, Heva ese unai au huahua taina be Adamu ia henia bena ia ania.

Unai bamona idia karaia be Dirava gwau-edeede henia karana​—⁠unai be kara dikana. Dirava ese edia Paradaiso umana amo ia luludia.

Idia bona natudia ese edia mauri idia moalelaia lasi. Idia buruka bona idia mase. Idia be guba o gabu ma ta dekenai idia lao lasi, to tanobada ai idia ore vaitani.

Ita ibounai ita mase badina ita be Adamu bona Heva edia bese taudia. Mase taudia be gau ta idia itaia lasi, idia kamonai lasi, o gau ta idia karaia lasi.​—⁠Hadibaia Tauna 9:5, 6, 10.

Iehova ia ura lasi taunimanima do idia mase. Kahirakahira, Iehova ese mase taudia do ia hatoredia isi lou. Bema idia ese Dirava idia kamonai henia, do idia mauri hanaihanai.