LESENI 06
Mauri be Edena Bamona Ia Matamaia?
“[Dirava] be mauri ena badina.” (Salamo 36:9) Unai oi abia dae, a? Haida idia laloa mauri be ia vara kava. Bema unai be momokani, iseda mauri be sibona ia vara kava. To bema Iehova Dirava ese mauri ia havaraia, iseda mauri be mai ena badina, ani? a Danu, Baibel ai mauri ia matamaia ena sivarai bona unai ita abia dae ena badina ita laloa be namo.
1. Iunives be edena bamona ia vara?
Baibel ia gwau: “Matamana negana ai, Dirava ese guba bona tanobada ia havaraia.” (Genese 1:1) Saiens taudia momo idia abia dae iunives be mai ena matamana. Dirava ese edena bamona iunives ia havaraia? Ia ese ena “gaukara siahuna”—iena lauma helaga—amo, iunives lalonai idia noho gaudia ibounai ia havaraia, hegeregere galaksi, hisiu, bona planeti idauidau.—Genese 1:2.
2. Dahaka dainai Dirava ese tanobada ia karaia?
Iehova be “[tanobada] ia karaia kava lasi, to taunimanima ese idia noholaia totona ia karaia.” (Isaia 45:18) Ia ese tanobada ia karaia namo herea, taunimanima ese do idia noholaia hanaihanai totona. (Isaia 40:28; 42:5 duahia.) Saiens taudia idia hamomokania tanobada be planeti ma haida amo ia idau momokani. Badina taunimanima be tanobada sibona dekenai idia mauri diba.
3. Dahaka dainai taunimanima be animal amo idia idau?
Iehova ese tanobada ia karaia murinai, mauri gaudia ia havaraia. Ginigunana be, tanobada ai tubutubu gaudia bona animal ia havaraia. Bena “Dirava ese taunimanima be iena toana hegeregerena ia havaraia.” (Genese 1:27 duahia.) Dahaka dainai taunimanima be idau? Dirava ese ita iena toana hegeregerena ita ia karaia dainai, iena kara, hegeregere lalokau bona hahemaoro goeva ita hahedinaraia diba. Danu, gado idauidau do ita dibaia, hairai gaudia ita ura henia, bona miusiki ita moalelaia. Bona iseda Havaraia Tauna ita tomadiho henia, to animal be unai idia karaia diba lasi.
DIBA MA HAIDA ABIA
Hamomokania gaudia ese idia hahedinaraia mauri be ia vara kava lasi, bona do oi abia dae Baibel lalonai Dirava ese gau ibounai ia havaraia ena sivarai be momokani. Taunimanima edia kara namodia ese ita dekenai Dirava ena kara idia hadibaia.
4. Mauri be mai ena havaraia tauna
Taunimanima ese idia karaia gaudia be mauri gaudia amo idia tohotohoa dainai hanamoa idia abia. Vadaeni, daika ese unai mauri gaudia ia karaia dainai hanamoa ia abia be maoro? VIDIO itaia, bona henanadai herevalaia.
-
Taunimanima be gau haida idia karaia totona edena mauri gaudia idia tohotohoa?
Tau ta be ruma ta ta ena palani ia torea bona ia haginia. To daika ese mauri gaudia edia palani ia torea bona ia havaraia? Heberu 3:4 duahia, bena inai henanadai herevalaia:
-
Edena mauri gaudia oi ura henia bada?
-
Oi abia dae Dirava ese iunives bona ia lalonai idia noho gaudia ibounai ia karaia, a? Dahaka dainai?
Inai oi diba, a?
Inai topik ena atikol bona vidio ma haida be jw.org ena kahana ladana, “Was It Designed?” bona “Viewpoints on the Origin of Life” ai oi davaria diba.
“Momokani, ruma ibounai be, mai edia karaia tauna, to gau ibounai ia karaia tauna be Dirava”
5. Baibel lalonai Dirava ese mauri gaudia ia havaraia ena sivarai be momokani
Genese karoa 1 lalonai, Baibel ese tanobada bona mauri ia vara dalana ia herevalaia. Unai hereva oi abia dae, eiava ia be gori sivaraina ta sibona? VIDIO itaia, bona henanadai herevalaia.
-
Dirava ese dina siks lalonai tanobada bona mauri gaudia ia havaraia be Baibel ese ia hadibaia, a?
-
Oi laloa Baibel ai, Dirava ese gau ibounai ia havaraia ena sivarai be maoro bona momokani, a? Dahaka dainai?
Genese 1:1 duahia, bena inai henanadai herevalaia:
-
Saiens taudia idia gwau iunives be mai ena matamana. Edena dala ai edia hereva be Baibel ena hereva ida ia hegeregere?
Haida idia laloa Dirava ese evolusen amo mauri ia havaraia. Anina be idia laloa Dirava ese sel tamona amo mauri gaudia idauidau ia karaia. Genese 1:21, 25, 27 duahia, bena inai henanadai herevalaia:
-
Dirava ese evolusen amo gwarume, animal ma haida, bona taunimanima ia havaraia be Baibel ese ia hadibaia, a? Eiava ia ese mauri gaudia be edia “orea ta ta” ai ia havaraia, a?
6. Dirava ese ia havaraia gaudia amo taunimanima be idau
Iehova ese ita ia havaraia neganai ita be animal amo ita idau. Genese 1:26 duahia, bena inai henanadai herevalaia:
-
Dirava ese ita be iena toana hegeregerena ia karaia, unai dainai lalokau bona hebogahisi ita hahedinaraia neganai, edena dala ai unai ese Dirava ena kara ia hahedinaraia?
HAIDA IDIA GWAU: “Baibel lalonai havaraia gaudia edia sivarai be gori sivaraina ta sibona.”
-
Dahaka oi laloa? Dahaka dainai?
POINT BADANA
Iehova ese iunives bona mauri gaudia ibounai ia havaraia.
Riviu
-
Baibel ese iunives ia matamaia dalana be edena bamona ia herevalaia?
-
Mauri gaudia be evolusen amo idia vara, eiava Dirava ese idia ibounai ia havaraia?
-
Dahaka dainai taunimanima be idau?
REFERENS ITAIA
Mauri gaudia ese idia hahedinaraia Havaraia Tauna ia noho.
“Havaraia Gaudia ese Dahaka Idia Hadibaia?” (Noga!, September 2006)
Tama ta be ena natuna mero dekenai Dirava ese mauri gaudia ia havaraia ena sivarai ia herevalaia dalana itaia.
Mani oi itaia bema Baibel ena hereva be evolusen ida ia hegeregere.
“Dirava ese Evolusen amo Mauri Gaudia Idauidau Ia Havaraia, A?” (Websait atikol)
Oi tahua bema saiens taudia ese idia davaria turia gunadia eiava edia tahua gaukarana ese idia hahedinaraia mauri be ta ese ia havaraia eiava ia vara kava.
Reana Inai Danu Oi Ura
Momo Edia Henanadai
Iehova Ena Witnes Taudia be Dahaka Baibel Stadi Kosi Idia Karaia?
Iehova Ena Witnes Taudia ese idia karaia Baibel stadi be davana lasi, bona oi ura henia Baibel oi gaukaralaia diba. Emu ruma bese eiava turadia oi boiria diba stadi lalonai idia helai totona.
