Lagani 2024 lalonai tanobada ibounai ai eleksen do ia vara. To taunimanima momo ese politik taudia idia trast henia be auka.

•   America ai idia karaia ripoti momo ese ia hahedinaraia “politik taudia momo be sibona edia namo idia laloa” to idia hahedinaraia lasi idia ura taunimanima totona gau namodia do idia karaia. a—Pew Research Center, September 19, 2023.

 Matamata taudia momo danu be politik taudia idia trast henia lasi.

•   “Tineij taudia be mai anina bada hekwakwanai hamaoromaoroa dalana idia tahua, to ripoti ese ia hahedinaraia idia gwau politik taudia ese unai bamona hekwakwanai hamaoromaoroa dalana idia davaria lasi.”​—The New York Times, January 29, 2024.

•   “Ripoti ta ia gwau matamata taudia be YouTube taudia idia trast henia bada to politik taudia lasi.”​—The Korea Times, January 22, 2024.

 Vaira nega namona totona politik taudia ita trast henia diba, a? Daidia ita trast henia diba?

 Taunimanima trast henia karana dekenai ita naria namonamo be mai anina bada. Baibel ia gwau “diba bada lasi tauna ese hereva ibounai ia abia dae, to aonega tauna be do ia karaia gaudia ia laloa namonamo guna.”​—Aonega Herevadia 14:15.

•   Oi abia infomeisen oi tahua namonamo totona heduru daladia haida be inai atikol ladana, “Infomeisen Kereredia amo Sibona Oi Gimaia” ai oi duahia.

 Danu, kara momokani bona lalohadai maorona idia abia politik taudia be idia hegeregere lasi idia ura karaia gaudia ibounai idia karaia totona. Unai dainai Baibel ena sisiba ia gwau:

•   “Taunimanima edia gunalaia taudia umui trast henia lasi; tau ta ese umui ia hamauria diba lasi.”​—Salamo146:3, Good News Translation.

 Baibel ese ia hahedinaraia Dirava be ita trast henia diba gunalaia tauna ia abia hidi vadaeni: Iesu Keriso. (Luka 1:32, 33) Iesu be Dirava ena Basileia ena King, unai gavamani be guba ai ia lohia.​—Mataio 6:10.

•   Iesu oi trast henia ena badina, bona ia ese ita davaria hekwakwanai do ia hamaoromaoroa dalana oi dibaia. Inai atikol oi duahia. “Dirava Ena Basileia Ena King be Daika?” bona “Dirava Ena Basileia ese Dahaka Do Ia Hagugurua?”