Dahaka dainai emu tama sina dekenai oi laloa gaudia oi gwauraia be namo? (Ao 23:26) Badina Iehova ese idia dekenai maduna ia henia umui idia naria bona hakaua totona. (Sal 127:3, 4) Oi idia durua diba lasi bema emu lalohekwarahi gaudia be idia amo oi hunia. Danu, idia matamata neganai edia mauri ai idia vara gaudia bona idia hanaia daladia edia sivarai do oi diba lasi. Gau haida oi gwauraia hedinarai lasi be mai ena kerere, a? Reana lasi, to namo lasi emu tama sina oi koia.​—Ao 3:32.

Edena bamona emu tama sina oi hereva henidia diba? Nega namona ta oi abia hidi idia oi hereva henia totona. Bema ia auka idia oi hereva henia totona, revareva ta amo oi laloa gaudia oi torea. To dahaka do oi karaia, bema oi ura lasi gwauraia gauna ta idia ura herevalaia? Laloatao, idia ura bada oi idia durua. Emu tama sina be emu turadia bamona oi laloa, to emu inai taudia lasi. Mai gari lasi ida tama sina dekenai emu hemami ibounai oi gwauraia karana ese oi do ia durua, bona do oi mauri daudau!​—Ao 4:10-12.

VIDIO LADANA EGU MATAMATA NEGANA​—EGU TAMA SINA BE EDENA BAMONA LAU HEREVA HENIA DIBA? ITAIA, BENA INAI HENANADAI HAERELAIA:

• Esther bona Partik be dahaka idia lalopararalaia?

• Iesu ena haheitalai amo dahaka oi dibaia?

• Emu tama sina be edena dala ai idia hahedinaraia oi idia laloa bada?

• Edena Baibel siri ese oi idia durua diba emu tama sina oi hereva henia totona?