Bema hekwakwanai be nega daudau ia noho, ita dekenai lalohisihisi ia havaraia diba. Davida ia diba ia bona King Saulo huanai ia noho hekwakwanai be nega ta do ia ore, badina Iehova ia gwauhamata ia be gabeai king ai do ia lao. (1Sa 16:13) Davida be ia abidadama dainai, mai haheauka ida Iehova ia naria.

Hekwakwanai ta ita davaria neganai, namona be laloa kehoa, diba, bona laloa namonamo ita gaukaralaia unai ita hanaia totona. (1Sa 21:12-14; Ao 1:4) To, hekwakwanai haida be do idia ore lasi, ena be Baibel ena hakaua herevadia ita badinaia. Unai bamona negadiai, namona be ita haheauka bona Iehova ita naria. Kahirakahira iseda hisihisi ibounai do ia haorea bona iseda matana amo “mata ranu ibounai . . . do ia dahua ore.” (Apo 21:4) Ena be ita davaria hekwakwanai lalonai Iehova ese ita ia durua eiava dala ma haida amo heduru ita abia, to ita abia dae gauna be inai: Hekwakwanai ibounai be mai edia dokona. Unai ese ita dekenai lalogoada ia henia diba.

VIDIO LADANA LALOTAMONA AI IDIA NOHO BESE IDAUIDAU TAUDIA ITAIA, BENA INAI HENANADAI HAERELAIA:

• United States ena saut kahanai idia noho Keristani taudia be dahaka hekwakwanai idia davaria?

• Edena dala ai haheauka bona lalokau karana idia hahedinaraia?

• Edena dala ai “mai anina bada gaudia” idia laloa bada?​—Fp 1:10