MATAMATA TAUDIA
10: Trast Karana
ANINA BE DAHAKA?
Tama sina, turadia, bona bosi be idia trastia (o idia koikoi lasi) taudia idia abidadama henia. Idia ese taravatu idia badinaia, edia gwauhamata idia hamomokania, bona hanaihanai hereva momokani idia gwauraia.
DAHAKA DAINAI TRAST KARANA BE GAU BADANA?
Nega momo, emu tama sina ese oi dekenai freedom idia henia o oi idia koua momo lasi badina oi idia trast.
“Bema oi ura emu tama sina ese oi idia trast, dala hereadaena be, oi hahedinaraia oi be mero eiava kekeni badana (o mature) vadaeni bona oi hegeregere gaukara oi karaia namonamo diba, herevana idia ida oi noho o oi sibona oi noho.”—Sarahi.
BAIBEL ENA HAKAUA HEREVA: “Do umui hamomokania noho umui be edena bamona taudia.”—2 Korinto 13:5.
DAHAKA OI KARAIA DIBA?
Bema oi ura momo ese oi idia trastia noho eiava oi idia trastia lou, inai dala ese oi idia durua diba.
Hereva momokani sibona gwauraia. Haida be oi do idia trastia haraga lasi bema oi koikoi momo. Hereva momokani oi gwauraia—bona emu kerere oi gwauraia hedinarai—neganai, ma haida be oi idia trast diba.
“Gau ibounai idia heau namonamo neganai, hereva momokani sibona do oi gwauraia. Nega haida reana hereva momokani oi gwauraia dainai haida be oi idia gwauraia dika, to gabeai idia be oi do idia trast.”—Caiman.
BAIBEL ENA HAKAUA HEREVA: “Ai ura mai momokani ida gau ibounai ai karaia.”—Heberu 13:18.
Gaukara karaia namonamo. America ena ripoti ta ia gwau, moni gaukara idia tahua taudia idia durua diba bada taudia 78 pesen ese idia hahedinaraia, gaukara karaia namonamo be “mai anina bada karana ta bema ta ia ura dagi badana ia abia.” Hari gaukara karaia namonamo dalana oi dibaia be namo, badina oi bada neganai unai ese oi do ia durua.
“Egu tama sina idia itaia diba, lau be hegeregere egu gaukara lau karaia namonamo dainai, lau idia hadibaia momo lasi. Unai bamona lau karaia momo dainai, idia be lau idia trast.”—Sarah.
BAIBEL ENA HAKAUA HEREVA: “Lau diba momokani egu hereva do oi badinaia, . . . badina lau diba lau noia gaudia sibona lasi, to gau ma haida do oi karaia danu.”—Filemona 21.
Hesiku lasi. Haida be emu tubu daekau dalana idia itaia diba to gabeai do idia itaia gaudia be, emu aonega ia bada bona gau ta oi karaia namonamo diba.
“Emu tama sina bona ma haida ese oi idia trastia totona, namona be gau tamona sibona lasi to gau momo oi karaia. Bona hanaihanai unai oi karaia dainai, idia be oi do idia trastia noho.”—Brandon.
BAIBEL ENA HAKAUA HEREVA: “Inai bamona kara be dabua bamona do umui hahedokilaia, . . . boga-auka [“haheauka,” BH].”—Kolose 3:12.
