Dirava be Daika?
Taunimanima momo idia gwau idia be Dirava idia abidadama henia. To bema oi henanadai Dirava be daika, haere idauidau do oi abia. Haida idia gwau, Dirava be hahemaoro tauna dikana, ia ura taunimanima edia kerere dainai idia ia panisia. Ma haida idia gwau, herevana dahaka idia karaia, ia be hanaihanai lalokau ia hahedinaraia bona dika ia gwauatao. To haida idia abia dae Dirava be ita amo ia daudau bona ita ia laloa lasi. Unai bamona lalohadai idauidau dainai, reana taunimanima momo idia laloa ia auka Dirava idia dibaia totona.
Dirava ita dibaia be mai ena namo, a? Oibe. Dirava oi dibaia namonamo karana ese oi do ia durua emu mauri ena badina oi lalopararalaia totona. (Kara 17:26-28) Dirava kahirakahira oi lao neganai, oi do ia lalokau henia bona ia durua. (Iamesi 4:8) Danu, Dirava oi dibaia namonamo neganai mauri hanaihanai oi abia diba.—Ioane 17:3.
Edena dala ai Dirava do oi dibaia? Mani oi diba namonamo tauna ta oi laloa, hegeregere emu tura namona ta. Edena dala ai emui hetura karana ia goada? Reana matamanai iena ladana oi dibaia, iena kara, ia ura henia bona ia ura henia lasi gaudia, danu unai tau o hahine ese ia karaia gaudia, ena palani, bona ma gau haida. Unai gaudia oi dibaia amo iena turana ai oi lao.
Unai hegeregerena, Dirava do ita dibaia bema inai henanadai ita lalodia:
Inai magasin ese Baibel amo unai henanadai do ia haerelaidia. Inai atikol ese oi do ia durua Dirava oi dibaia bona ia oi tura henia neganai do oi abia hahenamo oi dibaia danu.
Reana Inai Danu Oi Ura
GIMA KOHORONA
Dirava Ena Ladana be Daika?
Dirava ena ladana ese ia hahedinaraia ia be idau momokani, unai oi diba, a?
