Iseda Baibel buka bona magasin be ita hoihoilaia lasi dainai, taunimanima haida idia laloa websait o social media idauidau dekenai idia post be kerere lasi. To, unai bamona idia karaia taudia be iseda websait idauidau edia taravatu (Terms of Use *) idia utua bona unai ese hekwakwanai badadia idia havaraia vadaeni. Hegeregere unai taravatu ese idia hahedinaraia goevagoeva, ta ese “laulau, elektronik pablikeisen idauidau, trademarks, miusiki, foto, vidio, o atikol idauidau be inai Intanet websait (eiava websait idauna ma ta, file-sharing site, video-sharing site, eiava social network) amo ia abia bona ia post” be taravatu. Dahaka dainai unai taravatu be mai anina bada?

Iseda websait ai idia noho gaudia ibounai be mai edia taravatu (copy righted). Aposteit taudia bona ma haida ese edia websait ai iseda pablikeisen idia gaukaralaia Iehova ena Witnes taudia bona ma haida idia tarapua totona. Aposteit edia websait ai idia noho koikoi herevadia ese duahia taudia dekenai daradara ia havaraia. (Sal. 26:4; Aon. 22:5) Ma haida be iseda pablikeisen ai idia noho gaudia o iseda jw.org logo be edia advataismen, edia hoihoi gaudia, bona mobael fon aplikeisen totona idia gaukaralaia. So iseda websait ena taravatu ai atoa unai amo Copyright bona Trademark ai gimaia, bona haida ese idia gaukaralaia kerere lasi totona. (Aon. 27:12) Taunimanima haida eiava iseda tadikaka taihu, ese iseda jw.org ai idia noho gaudia be websait ma haida ai idia post o edia hoihoi gaudia totona jw.org trademark idia gaukaralaia. Bona unai ita diba to ita koua lasi, bona bema kota dekenai ita atodia, kota ese ita do ia durua lasi.

 Iseda pablikeisen be jw.org websait sibona amo ita daonloud diba to websait ma haida amo lasi. Iehova ese Baibel buka bona magasin halasia gaukarana ena maduna be “igui hesiai tauna mai ena kamonai bona mai ena kara maoromaoro” sibona dekenai ia henia. (Mat. 24:45) “Igui hesiai tauna” ese Dirava amo idia mai hereva ia halasia totona, inai websait sibona ia gaukaralaidia​—⁠www.dan124.com, tv.dan124.com, bona wol.dan124.com. Bona mobael eiava tablet totona inai aplikeisen toi, JW Language^®, JW Library^®, bona JW Library Sign Language^® sibona do ita gaukaralaia. Ita abia dae diba unai aplikeisen toi ai idia noho gaudia be davana lasi o Satani ena tanobada gaudia ese idia hadikaia diba lasi. Unai dainai bema iseda Baibel buka bona magasin be websait ma haida amo idia halasia, unai be hereva koikoidia o hereva momokani idia haidaua.​—⁠Sal. 18:26; 19:8.

Danu, iseda pablikeisen be koment idia torea diba websait haida ai ita post neganai, unai ese dala ia kehoa aposteit bona hereva momokani idia inai henia taudia ese Iehova ena orea idia gwauraia dika totona. Unai kara dainai tadikaka haida be intanet amo ma haida ida idia hepapahuahu, bona unai ese Iehova ena ladana ia hadikaia. Intanet be dala maorona lasi “mai manau ida gwau-edeede taudia [ita] hadibaia” totona. (2 Tim. 2:23-25; 1 Tim. 6:3-5) Bona ai itaia haida be Iehova ena orea ena ladana ai, Hakaua Oreana ena ladana ai, o Hakaua Oreana ena memba ta ena ladana ai social media accounts bona websait idia kehoa. To, Hakaua Oreana ena memba ibounai be sibona edia Web page idia karaia lasi, eiava social media site idia gaukaralaia lasi.

Taunimanima dekenai jw.org ita hahedinaraia “sivarai namona” harorolaia gaukarana ita durua totona. (Mat. 24:14) Haroro ai ita gaukaralaia digital tulu idauidau lalonai hanaihanai gau matamatadia idia atoa. Ita ura ibounai ese unai gaudia amo heduru idia abia. Unai dainai, Terms of Use ese ia hahedinaraia hegeregerena, e-mail sibona amo ta dekenai pablikeisen ta ena elektronik kopi o jw.org ai idia noho gaudia ena link ta oi siaia diba. Taunimanima dekenai iseda orea ena websait ita hahedinaraia neganai, Dirava ena hereva idia halasia taudia “hesiai tauna mai ena kamonai bona mai ena kara maoromaoro” dekenai, ita hakaudia lao.