Gima Kohorona matamatadia oi duahia neganai oi moalelaidia, a? Henunai idia noho henanadai mani oi haerelaidia:

• Dirava ese Levi taudia ia hamaoroa lau be “oiemu ahuna,” ena anina be dahaka?

Israela iduhu ta ta be tano idia abia, to Levi iduhuna edia “ahuna” be Iehova. (Num. 18:20) Ena be tano idia abia lasi, to Iehova ese idia dekenai hesiai gaukara helagana ia henidia. Danu, Iehova ese idia ia naria bona edia dabu gaudia ia henia. Hari danu, Basileia idia atoa guna taudia idia abia dae momokani Iehova ese idia do ia naria bona edia dabu gaudia do ia henia.​—⁠9/15, rau 7-8, 13.

• Keristani tauna ese ia do ia durua moale karana be edena bamona ia abia hidi diba?

Ita karaia moale karana ese ita ia hagoadaia bona Iehova ita hamoalea totona, namona be inai henanadai toi ita laloa: (1) Lau be edena bamona moale karadia lau ura henia? (2) Edena negai lau karaia? (3) Bona daidia lau bamoa?​—⁠10/15, pages 9-12.

• Edena dala ai Aonega Herevadia 7:​6-23 ena sivarai ese ita ia durua ponografi laulaudia ita dadaraia totona?

Unai siri ese ia hahedinaraia eregabe merona ta be ariara hahine ia noho gabuna ia raka lao, bona ariara hahinena ese ia hegahusi henia. Hari inai negai, ponografi laulau idia hahedinaraia Intanet web sait ita dadaraia totona, gau badana be Intanet ita do kehoa lasi neganai, Dirava ita guriguri henia guna.​—⁠11/15, pages 9-10.