Ezekyèl 15:1-8
-
Jerizalèm, yon pye rezen ki pa itil anyen (1-8)
15 Jewova pale avè m yon lòt fwa ankò, li di m:
2 “Pitit lòm, èske bwa pye rezen ka konpare ak bwa ki sot nan lòt pyebwa oswa ak branch pyebwa ki nan forè a?
3 Èske yo ka fè yon baton avè l pou yo fè travay? Oubyen èske yo ka fè yon kwòk avè l pou yo pann veso sou li?
4 Gade, se nan dife y ap voye l pou yo fè dife a ret limen e dife a ap boule toule de pwent li ak mitan l. Èske yo ka fè travay avè l apre sa?
5 Menm lè yo potko boule l, li pa t itil anyen. Apre dife a fin boule l se pi mal!”
6 “Kidonk, men sa Jewova, Seyè ki Souvren an, di: ‘Menm jan bwa pye rezen an ki nan yon rakbwa se yon bwa mwen bay pou yo fè dife ret limen, se konsa tou m ap aji ak moun Jerizalèm yo+.
7 M ap regle ak yo. Yo chape sot nan dife, men dife gen pou l boule yo. N ap konnen mwen se Jewova lè m regle ak yo+.’”
8 “‘M ap fè peyi a vin vid+ akoz yo aji yon fason ki montre yo pa fidèl+.’ Se sa Jewova, Seyè ki Souvren an, di.”
