Jòb 23:1-17
23 Jòb reponn:
2 “Jodi a ankò, m ap plenyen e m ap fè tèt di*+,Mwen pa gen fòs ankò tèlman m plenn.
3 Si m te annik konn ki kote m ap jwenn Bondye+,Mwen t apral kote l rete a+.
4 Mwen t apral plede kòz mwen devan l,E mwen t ap konn tout sa pou m di l.
5 Mwen t ap chèche konnen ki jan l ap reponn mwenE mwen t ap note tout sa l di m.
6 Èske li t ap sèvi ak gwo pouvwa li genyen an pou l konbat mwen?Non. Mwen gen konfyans li t ap koute m+.
7 Lè sa a, moun ki dwat la t ap regle kòz li avè l,E Jij mwen an t ap fè konnen mwen inosan, e li pa t ap bezwen di sa ankò.
8 Men, si m al nan direksyon lès, li pa la.Epi, si m retounen, mwen pa ka jwenn li.
9 Lè l ap travay sou bò goch, mwen pa ka wè l,Lè l vire sou bò dwat, mwen toujou pa wè l.
10 Men, li menm li konn ki wout mwen fè+.Apre li fin pase m anba eprèv, m ap soti pwòp tankou lò ki pa gen okenn salte+.
11 Mwen suiv tras li pye pou pye,Mwen rete nan chemen l san m pa devye+.
12 Mwen pa dezobeyi kòmandman ki soti nan bouch li.Mwen bay sa l di anpil valè+, mwen menm fè plis pase sa l mande m fè*.
13 Lè l deside fè yon bagay, kiyès ki ka anpeche l fè l+?Lè l* vle fè yon bagay, li annik fè l+.
14 L ap fè tout sa li te deside* fè m yo,E li gen yon pakèt bagay konsa ankò pou l fè.
15 Se sa k fè m boulvèse akoz li menm,Lè m panse avè l, mwen vin gen plis lakrentif.
16 Bondye fè m vin kapon,Toupisan an fè m pè.
17 Men, gwo fènwa a poko fè m fèmen bouch mwen,Byenke li kouvri figi m.
Nòt anba paj
^ Oswa: “Jodi a ankò, plenyen m ap plenyen an se rebèl m ap fè”.
^ Oswa: “sa l di pou m fè”.
^ Oswa: “Lè nanm li”.
^ Oswa: “te di l ap”.
