Sòm 129:1-8
-
Yo atake l men yo pa pot laviktwa sou li
-
Moun ki rayi Siyon yo ap wont (5)
-
Yon chante pou moun k ap monte yo.
129 “Depi m jèn y ap atake m san rete+.”Kounye a, se pou Izrayèl di:
2 “Depi m jèn y ap atake m san rete+,Men yo pa rive pot laviktwa sou mwen+.
3 Gen moun ki fè do m sanble ak tè y ap vire+,Tras yo fè nan do m yo byen long.”
4 Men, Jewova jis+.Li koupe kòd mechan yo mare yo+.
5 Tout moun ki rayi Siyon yo ap wontE y ap fè bak lè dezonè tonbe sou yo+.
6 Y ap vin tankou zèb ki pouse sou do kay,Ki gentan sèch depi anvan yo rache yo,
7 Ki pa ka plen men moun k ap rekòlte a,Ni bra moun k ap ranmase rekòt la.
8 Moun k ap pase yo pap di:“Se pou Jewova beni nou.Nou beni nou nan non Jewova.”
