Sòm 39:1-13
Pou moun k ap dirije mizisyen yo. Jedoutoun*+. Yon chante David te ekri.
39 Mwen te di: “M ap veye kò mPou m pa peche ak lang mwen+.M ap met yon baboukèt nan bouch mwen pou m ka veye l+Toutotan gen mechan devan m.”
2 Mwen pa t ka di anyen, mwen te fè silans+,Mwen te pe bouch mwen, menm sa ki bon m pa t di.Men, mwen t ap soufri anpil.
3 Kè m t ap boule anndan m.Pandan m t ap reflechi*, dife a te kontinye ap boule.Finalman, mwen te di:
4 “O Jewova, ede m konnen ki jan m ap fini,E ki kantite tan m ap viv+,Pou m ka konnen jan lavi m kout*.
5 Vrèmanvre, se de twa jou sèlman ou ban mwen+,E kantite tan m ap viv la pa anyen devan w+.Se sèten, chak moun tankou yon vapè*, menmsi yo santi anyen pa ka rive yo+. (Sela)
6 Se sèten, lòm mache tankou lonbray.Li kouri adwat agoch* pou granmesi.Li anpile richès san l pa konn kiyès ki pral jwi yo+.
7 Kidonk, ki espwa pou m genyen, o Jewova?Tout espwa m se nan ou.
8 Sove m anba peche m yo+.Pa kite moun sòt la manke m dega.
9 Mwen pa t di anyen,Mwen pa t ka ouvè bouch mwen di anyen+,Paske se ou menm ki dèyè sa k pase a+.
10 Retire malè ou lage sou mwen an.Mwen fin depafini paske w frape m.
11 Ou pini lòm pou peche l pou w korije l+,Ou detwi bagay ki gen valè pou li yo tankou mit.Vrèmanvre, lòm tankou yon vapè+. (Sela)
12 Koute priyè m, o Jewova,Koute lè m ap rele w pou m mande w sekou+.Pa fè kòmsi w pa wè dlo k ap soti nan je m yo.Paske pou ou mwen se yon senp etranje+,Yon vwayajè k ap pase*, menm jan ak tout zansèt mwen yo+.
13 Pa gade m pandan w an kòlè, pou m ka fè yon ti rejwiAnvan m mouri epi m pa la ankò.”
Nòt anba paj
^ Gade Lis mo yo esplike yo.
^ Oswa: “plenn”.
^ Oswa: “jan m pa la pou lontan”.
^ Lit.: “souf”.
^ Lit.: “Li fè bri”.
^ Oswa: “Yon etranje ki abite isit la”.
