Sòm 49:1-20
Pou moun k ap dirije mizisyen yo. Yon chante desandan Kore+ yo te ekri.
49 Tande sa, nou menm pèp yo.Se pou nou koute, nou tout k ap viv nan monn nan*,
2 Ni moun ki pa enpòtan ni moun ki enpòtan*,Ni rich ni pòv.
3 Pawòl sajès ap soti nan bouch mwen,Bagay m ap medite sou yo nan kè m+ yo ap montre mwen gen bon konprann.
4 M ap koute sa ki di nan yon pwovèb.M ap bay sans devinèt mwen yo pandan m ap jwe hap* mwen.
5 Poukisa pou m pè lè gen pwoblèm+,Lè moun k ap chèche kraze m yo ap fè mechanste* toutotou m?
6 Pa gen youn nan moun ki met konfyans yo nan richès+,K ap fè grandizè poutèt yo rich anpil+,
7 K ap janm kapab delivre yon frè l,Oubyen ki kapab bay Bondye yon ranson pou li+
8 (Ranson pou yo ta bay pou lavi* yo a tèlman gen anpil valè,Yo pap janm ka bay li)
9 Yon fason pou l viv pou toutan e pou l pa desann nan twou a*+.
10 Li wè menm moun ki saj yo mouri.Ni moun ki san konprann nan ni moun ki pa rezonab la peri ansanm+,E yo oblije kite richès yo pou lòt moun+.
11 Yo swete pou kay yo la pou toutan,Pou tant yo la jenerasyon apre jenerasyon.Yo gen bitasyon ki pote non yo.
12 Men, menmsi yo onore yon moun, li pap la pou toutan+.Li pa pi bon pase bèt yo k ap mouri+.
13 Se sa k ap rive moun ki san konprann yo+Ak moun k ap suiv moun sa yo e ki pran plezi nan pawòl anlè y ap di yo. (Sela)
14 Yo kondane pou y al nan Tonm* tankou mouton y ap mennen labatwa.Lanmò ap tounen gadò yo.Moun ki jis yo pral domine+ sou yo lè l jou.Y ap disparèt nèt+,Se Tonm nan*+ k ap vin kay yo, se pa yon palè+.
15 Men, Bondye ap sove m* anba pouvwa* Tonm nan*+,Paske l ap rale m met deyò, l ap pwoteje m. (Sela)
16 Ou pa bezwen bay tèt ou pwoblèm lè w wè yon moun vin rich,Lè w wè kay li ap vin pi bèl.
17 Paske, lè l mouri li pa ka ale ak anyen+,Richès li a pap desann avè l+.
18 Pandan l vivan an, l ap fè lwanj pou tèt li*+.(Moun fè lwanj pou ou lè afè w ap mache+.)
19 Men, alafen, li pral jwenn moun ki t ap viv nan menm epòk ak zansèt li yo.Yo pap janm wè limyè ankò.
20 Yon moun ki pa konprann sa, menmsi yo onore l+,Li pa pi bon pase bèt yo k ap mouri.
Nòt anba paj
^ Oswa: “nan sistèm sa a”.
^ Lit.: “Ni pitit limanite ni pitit lòm”.
^ Gade Lis mo yo esplike yo.
^ Lit.: “peche”.
^ Oswa: “nanm”.
^ Oswa: “nan tonm nan”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Oswa: “sove nanm mwen”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Lit.: “men”.
^ Oswa: “pou nanm li”.
