Sòm 59:1-17
Pou moun k ap dirije mizisyen yo. Pou yo jwe sou ton “Pa fini avè m”. Yon chante David te ekri. Miktam*. Li gen rapò ak lè Sayil te voye moun veye kay David* pou yo te ka touye l la+.
59 Delivre m anba ènmi m yo, o Bondye m nan+,Pwoteje m anba moun ki vin atake m yo+.
2 Delivre m anba moun k ap fè mechanste yo,Sove m anba moun ki vyolan* yo.
3 Gade, yo kache kò yo yon kote pou yo atake m*+.Yon seri gason ki gen fòs ap atake m,Men se pa paske m te mal aji oswa paske m te peche+, o Jewova.
4 Malgre m pa fè anyen ki mal, yo kouri prepare yo pou yo atake m.Leve kanpe lè m rele w e w a wè.
5 Paske, se ou menm, o Jewova Dye, Chèf lame yo, ki Bondye Izrayèl+.Leve pou w ka egzamine tout nasyon yo.Pa fè moun trèt k ap fè mechanste yo mizèrikòd+. (Sela)
6 Yo retounen chak swa+, y ap gwonde* tankou chen+,E yo ret alawonyay toutotou vil la+.
7 Tande sa k ap sot* nan bouch yo.Bouch yo tankou epe+.Yo di: “Kiyès k ap tande+?”
8 Men, Jewova, w ap ri yo+,W ap pase tout nasyon yo nan rizib+.
9 O Bondye, ou se fòs mwen, m ap kontinye ret tann ou+Paske ou se yon refij* kote m ka jwenn sekirite+.
10 Bondye ki demontre yon lanmou fidèl pou mwen an ap vin ede m+,L ap fè m pot laviktwa sou ènmi m yo+.
11 Pa kouri touye yo pou pèp mwen an pa bliye,Sèvi ak pouvwa w pou w fè yo mache tankou moun ki pa konn kote yo prale.Fè malè tonbe sou yo, o Jewova, ou menm ki se boukliye nou+,
12 Paske, yo peche ak pawòl k ap sot nan bouch yo.Se pou ògèy yo fè yo pran nan pyèj+.Paske, y ap joure moun e y ap bay manti.
13 Pandan w an kòlè a, fini ak yo+.Fini ak yo, disparèt yo.Bondye, fè yo konnen se ou menm k ap dirije Jakòb e k ap dirije tout tè a+. (Sela)
14 Kite yo tounen nan aswè,Kite yo gwonde* tankou chen e kite yo ret alawonyay toutotou vil la+.
15 Kite yo mache pou yo chèche manje pou yo manje+.Men, pa kite vant yo plen ni pa kite yo jwenn kote pou yo rete.
16 Mwen menm, m ap chante pou m fè louwanj pou fòs ou+.Nan maten, m ap kontan fè moun konnen lanmou fidèl ou genyen an,Paske ou se refij kote m ka jwenn sekirite+,Yon kote mwen kapab kouri ale nan moman difisil yo+.
17 O Bondye, ou se fòs mwen, se pou ou m ap chante louwanj*+.Bondye se refij kote m ka jwenn sekirite, li montre li gen yon lanmou ki fidèl pou mwen+.
Nòt anba paj
^ Gade Lis mo yo esplike yo.
^ Lit.: “la”.
^ Oswa: “ki swaf san”.
^ Oswa: “atake nanm mwen”.
^ Oswa: “jape”.
^ Oswa: “k ap kimen sot”.
^ Oswa: “yon kote ki wo”.
^ Oswa: “jape”.
^ Oswa: “m ap fè mizik”.
