Sòm 62:1-12
Pou moun k ap dirije mizisyen yo. Jedoutoun*. Yon chante David te ekri.
62 Vrèmanvre, mwen ret ap tann Bondye an silans.Se li k ap sove m+.
2 Vrèmanvre, li se mas wòch mwen, li se delivrans mwen, li se yon refij* kote m ka jwenn sekirite+.Mwen pap janm brannen nan pwen pou m tonbe+.
3 Jis ki lè n ap sispann atake moun nou rayi a pou n chèche touye l+?Nou tout se yon danje menm jan ak yon mi ki panche, yon mi ki fèt an wòch ki prèt pou l tonbe.*
4 Yo met tèt yo ansanm pou yo fè l pèdi gwo pozisyon l genyen an*.Yo pran plezi nan bay manti.Y ap bay benediksyon ak bouch yo, men nan kè yo se madichon y ap bay+. (Sela)
5 Vrèmanvre, mwen ret ap tann Bondye an silans*+,Paske, se li menm ki ban m espwa+.
6 Vrèmanvre, li se mas wòch mwen, li se delivrans mwen, li se refij kote m ka jwenn sekirite.Mwen pap janm brannen+.
7 Se Bondye k ap sove m, se li k ap ban m glwa.Li se mas wòch mwen e li se refij mwen+.
8 Se pou nou toujou met konfyans nou nan li, nou tout ki nan pèp la.Ouvri kè nou ba li+.Bondye se yon refij pou nou+. (Sela)
9 Lèzòm tankou yon vapè,Lèzòm se yon fo kachèt+.Lè yo mete tout ansanm sou balans, yo pi lejè pase yon vapè+.
10 Pa panse afè nou ap mache lè nou pran sa k pa pou nou,Ni pa panse n ap jwenn avantaj lè nou vòlè.Si n vin gen plis richès, pa met konfyans nou ladan yo+.
11 An de fwa, mwen tande Bondye di:Pisans sa a se pou Bondye+.
12 Mete sou sa, o Jewova, ou gen yon lanmou ki fidèl+.W ap bay chak moun sa l merite pou sa l fè+.
Nòt anba paj
^ Gade Lis mo yo esplike yo.
^ Oswa: “yon kote ki wo”.
^ Se kapab tou: “Èske nou tout n ap atake l kòmsi l te yon mi ki panche, yon mi ki fèt an wòch ki prèt pou l tonbe?”
^ Oswa: “pèdi diyite l”.
^ Oswa: “ret tann Bondye an silans, o nanm mwen”.
