Sòm 91:1-16
91 Tout moun ki abite nan kachèt Sila a ki nan pi gwo pozisyon an+Ap rete anba lonbray Toupisan an+.
2 Men sa m ap di Jewova: “Ou se refij mwen ak fòtrès mwen+,Ou se Bondye m, se nan ou mwen met konfyans mwen+.”
3 Paske, l ap delivre w anba pyèj chasè zwazo aE anba epidemi maladi k ap fè ravaj la.
4 L ap kouvri* w ak zèl li,W ap pran refij anba zèl li+.Fidelite l+ ap tankou yon gwo boukliye pou ou+, tankou yon miray ki bay pwoteksyon*.
5 Ou pap pè anyen nan nuit+,E w pap pè flèch y ap tire lajounen yo+,
6 Ni epidemi maladi ki gaye nan fènwa,Ni destriksyon k ap fè ravaj a midi.
7 Mil moun ap tonbe bò kote wE 10 000 moun ap tonbe sou bò dwat ou,Men ou menm, anyen mal pap rive pre w+.
8 W ap annik wè bagay sa yo ak je wPandan w ap gade jan y ap pini moun mechan yo.
9 Piske w te di Jewova se refij ou,Ou fè Sila a ki nan pi gwo pozisyon an tounen kay kote w abite*+,
10 Okenn malè pap tonbe sou ou+E okenn kalamite pap pwoche pre tant ou.
11 Paske, l ap bay zanj li yo+ lòdPou yo pwoteje w kèlkeswa kote w ale+.
12 Y ap pote w nan men yo+Pou w pa frape pye w nan okenn wòch+.
13 W ap mache sou jenn lyon an e sou kobra a,W ap pilonnen jenn lyon an ak gwo koulèv la+.
14 Bondye te di: “Piske li renmen m anpil*, m ap delivre l+.M ap pwoteje l paske li konnen* non m+.
15 L ap rele m e m ap reponn li+.Lè l nan pwoblèm, m ap avèk li+.M ap sove l e m ap fè l jwenn glwa.
16 M ap fè l viv lontan+E m ap fè l wè jan m ap sove l*+.”
Nòt anba paj
^ Oswa: “L ap anpeche yo pwoche bò kote”.
^ Oswa: “tankou yon ranpa”.
^ Se kapab tou: “tounen fòtrès ou; tounen refij ou”.
^ Lit.: “li vin jwenn mwen”.
^ Oswa: “rekonèt”.
^ Oswa: “wè delivrans mwen bay la”.
