Esdras 10:1-44
10 Pandan Esdras t ap priye+ e li t ap konfese peche yo fè yo, li t ap kriye e li te kouche plat atè devan kay vrè Dye a. Te gen yon gwo foul moun ki te gen gason, fi ak timoun nan pèp Izrayèl la ki te antoure l, e moun yo t ap kriye anpil.
2 Epi, Chekànya, pitit gason Jeyèl+, youn nan desandan Elam yo+, vin di Esdras: “Nou aji yon fason ki montre nou pa fidèl ak Bondye nou an, paske nou t al marye ak* fi nan nasyon ki ozalantou yo+. Malgre sa, gen espwa pou pèp Izrayèl la toujou.
3 Kounye a, annou fè yon alyans ak Bondye nou an+ pou nou voye tout medam nou te marye avèk yo ale ansanm ak pitit yo, jan Jewova mande nou sa e jan moun ki gen respè pou* kòmandman Bondye nou an mande nou sa+. Annou fè sa Lalwa mande.
4 Se pou nou leve, paske se responsablite pa nou, e nou menm nou avèk nou. Se pou nou met kouraj sou nou e se pou n aji!”
5 Lè sa a, Esdras leve kanpe, li fè prèt an chèf yo, Levit yo ak tout pèp Izrayèl la fè sèman pou yo fè sa yo di a+. Konsa, yo te fè yon sèman.
6 Epi, Esdras te kanpe devan kay vrè Dye a, apre sa l al nan chanm* Jewoyanan an, pitit gason Elyachib la. Byenke li t ale la, li pa t manje anyen e li pa t bwè dlo, paske li te nan lapenn akoz peche moun ki te sot ann egzil yo te fè a+.
7 Apre sa, yo te fè yon deklarasyon nan Jida ak nan Jerizalèm pou tout moun ki te sot ann egzil yo vin rasanble nan Jerizalèm.
8 Selon sa prens yo ak ansyen yo te deside, nenpòt moun ki pa ta vini nan twa jou, yo t ap pran* tout sa moun sa a genyen e yo t ap mete l deyò nan gwoup moun ki soti ann egzil yo+.
9 Se sa k fè, tout mesye nan tribi Jida ak tribi Benjamen yo te rasanble nan Jerizalèm sou twa jou, nan nevyèm mwa a, 20yèm jou nan mwa a. Tout moun yo te chita nan youn nan lakou kay vrè Dye a, yo t ap tranble akoz pwoblèm ki te genyen an e akoz gwo lapli ki t ap tonbe a.
10 Apre sa, Esdras, prèt la, kanpe epi li di yo: “Nou aji yon fason ki montre nou pa fidèl paske n al marye ak fi lòt nasyon+, konsa nou vin ajoute sou peche nasyon Izrayèl la.
11 Kounye a, se pou nou konfese peche nou devan Jewova, Bondye zansèt nou yo e se pou nou fè volonte l. Pinga nou annafè ankò ak moun ki nan nasyon ki ozalantou yo ansanm ak madanm sa yo ki moun lòt nasyon+.”
12 Lè tout pèp la fin tande sa l di a, yo reponn byen fò: “Nou dwe fè egzakteman sa w di a.
13 Men, moun yo anpil e nou nan sezon lapli. Li pa posib pou nou ret kanpe deyò a. Pwoblèm nan pap regle nan youn oswa de jou sèlman, paske nou peche anpil akoz rebelyon nou fè a.
14 Se sa k fè, tanpri, kite prens nou yo reprezante tout pèp la+, epi fè tout moun ki nan vil nou yo ki te marye ak fi lòt nasyon vini nan yon lè fiks ansanm ak ansyen ak jij ki nan chak vil, jiskaske nou sispann fè Bondye nou an fache anpil kont nou akoz bagay sa a.”
15 Men, Jonatan, pitit gason Asayèl, ak Jazya, pitit gason Tikva, pa t dakò ak sa yo te di a, e te gen Levit ki te met ansanm avèk yo, anpalan de Mechoulam ak Chabtayi+.
16 Men, moun ki te sot ann egzil yo te fè sa yo te antann yo pou yo fè a. Esdras, prèt la, ansanm ak chèf fanmi yo, selon fanmi kote yo soti, tout mesye yo te anrejistre non yo, te dakò bò kote pa yo pou yo egzamine pwoblèm nan premye jou nan dizyèm mwa a.
17 Depi premye jou nan premye mwa a, yo te fin pale ak tout mesye ki te marye ak fi lòt nasyon yo.
18 Epi, yo te vin dekouvri gen kèk nan pitit gason prèt yo ki te marye ak fi lòt nasyon+. Pami desandan Jechwa+, pitit gason Jewozadak, e pami frè l yo, te gen Maraseya, Elyezè, Jarib ak Gedalya.
19 Men, yo te pwomèt* y ap voye madanm yo te genyen yo ale, e piske yo te koupab, yo te ofri yon mal mouton nan twoupo bèt yo genyen yo pou bagay mal yo te fè a+.
20 Men non tout mesye ki te marye ak fi lòt nasyon: Pami desandan Imè yo+, te gen Anani ak Zebadya.
21 Pami desandan Arim yo+, te gen Maraseya, Eli, Chemaya, Jeyèl ak Ozyas.
22 Pami desandan Pachou yo+, te gen Eliyoyenayi, Maraseya, Izmayèl, Netanèl, Jozabad ak Eleyasa.
23 Pami Levit ki te marye ak fi lòt nasyon, te gen Jozabad, Chimeyi, Kelaya (sètadi Kelita), Petaya, Jida ak Elyezè.
24 Pami chantè yo, te gen Elyachib, Chaloum, Telèm ak Ouri.
25 Men non moun nan pèp Izrayèl la ki te marye ak fi lòt nasyon: Pami desandan Pawòch yo+, te gen Ramya, Iziya, Malkija, Mijamin, Eleyaza, Malkija ak Benaya.
26 Pami desandan Elam yo+, te gen Matànya, Zakari, Jeyèl+, Abdi, Jeremòt ak Eli.
27 Pami desandan Zatou yo+, te gen Eliyoyenayi, Elyachib, Matànya, Jeremòt, Zabad ak Aziza.
28 Pami desandan Bebayi yo+, te gen Jewoyanan, Anànya, Zabayi ak Atlayi.
29 Pami desandan Bani yo, te gen Mechoulam, Malouk, Adaya, Yachoub, Cheyal ak Jeremòt.
30 Pami desandan Paratmowab yo+, te gen Adna, Kelal, Benaya, Maraseya, Matànya, Betsalèl, Binouwi ak Manase.
31 Pami desandan Arim yo+, te gen Elyezè, Ichija, Malkija+, Chemaya, Chimeyon,
32 Benjamen, Malouk ak Chemarya.
33 Pami desandan Achoum yo+, te gen Matenayi, Matata, Zabad, Elifelèt, Jeremayi, Manase ak Chimeyi.
34 Pami desandan Bani yo, te gen Maradayi, Amram, Ouwèl,
35 Benaya, Bedya, Kelouwi,
36 Vànya, Meremòt, Elyachib,
37 Matànya, Matenayi ak Jayasou.
38 Pami desandan Binouwi yo, te gen Chimeyi,
39 Chelemya, Natan, Adaya,
40 Maknadebayi, Chachayi, Charayi,
41 Azarèl, Chelemya, Chemarya,
42 Chaloum, Amarya ak Jozèf.
43 Pami desandan Nebo yo, te gen Jeyiyèl, Matitya, Zabad, Zebina, Jadayi, Jowèl ak Benaya.
44 Tout mesye sa yo te marye ak fi lòt nasyon+ e yo te voye madanm yo te genyen yo ale ansanm ak pitit yo+.
Nòt anba paj
^ Oswa: “nou t al viv lakay nou ak”.
^ Lit.: “ki tranble devan”.
^ Oswa: “nan salamanje”.
^ Oswa: “yo t ap poze sele sou”.
^ Lit.: “yo te bay men yo”.
