Ezayi 11:1-16
11 Gen yon ti branch+ k ap pouse nan chouk Jese a+,Gen yon boujon+ k ap soti nan rasin li e k ap bay fwi.
2 Epi, lespri Jewova ap poze sou li*+,Se sa k fè l ap gen sajès+, l ap gen anpil bon konprann,L ap bay bon konsèy, l ap gen fòs+,L ap gen anpil konesans e l ap gen lakrentif pou Jewova.
3 L ap pran plezi montre li gen lakrentif pou Jewova+.Li pap jije moun selon sa je l ba li,Ni li pap korije moun sèlman sou sa zòrèy li tande+.
4 L ap jije malere yo san paspouki*,E l ap korije moun yon fason ki jis poutèt moun ki gen imilite sou tè a.L ap frape moun sou tè a ak baton ki nan bouch li a+,E l ap touye mechan yo ak souf* ki sot nan bouch li+.
5 Jistis ap vin senti ki mare nan tay li,E fidelite ap vin senti ki nan ren l+.
6 Lou ap rete pandan yon tan bò kot ti mouton+.Leyopa ap ret kouche ansanm ak jenn kabrit.Ti bèf ak lyon* ansanm ak bèt ki byen gra, yo tout ap ansanm*+,E se yon tigason k ap mennen yo.
7 Gazèl bèf ak lous ap manje ansanm,E pitit yo ap kouche ansanm.Lyon ap manje pay tankou towo bèf+.
8 Timoun ki nan tete ap jwe sou twou kobra,E timoun ki sevre ap mete men yo sou bouch twou sèpan ki gen pwazon.
9 Yo pap fè okenn mal+,Ni okenn ravaj okenn kote sou mòn mwen an ki sakre+,Paske, san mank, tè a pral plen konesans sou JewovaMenm jan lanmè a plen dlo+.
10 Jou sa a, rasin Jese a+ ap kanpe tankou yon siy pou pèp yo+.Nasyon yo ap chèche direksyon nan men l*+,E kote l rete a ap vin gen anpil glwa.
11 Jou sa a, Jewova ap lonje men l ankò, yon dezyèm fwa, pou l pran rès pèp li a ki nan Asiri+, Ejip+, Patwòs+, Etyopi*+, Elam+, Chineya*, Amat ak nan zile ki nan lanmè yo+.
12 L ap mete yon siy* kanpe pou nasyon yo e l ap rasanble moun Izrayèl ki te gaye yo+, e l ap fè moun Jida ki te gaye nan kat kwen tè a reyini ansanm+.
13 Jalouzi Efrayim genyen an ap fini+Epi, y ap detwi moun ki kont Jida yo.Efrayim pap jalou sò Jida,E Jida pap kont Efrayim+.
14 Y ap desann byen vit sou pant mòn ki nan peyi* moun Filisti yo nan lwès,Y ap met ansanm pou yo piye moun ki nan Lès yo.Y ap met men yo sou* Edòm+ ak Mowab+,E desandan Amon yo ap vin anba lòd yo+.
15 Jewova ap fann* yon pati nan* lanmè peyi Ejip la+,E l ap lonje men l pou l frape Rivyè a*+.L ap soufle yon van* cho sou sèt branch Rivyè a*,E l ap fè moun yo travèse l ak sandal nan pye yo.
16 Pral gen yon gwo wout+ k ap sot Asiri pou rès pèp li a pase+,Menm jan te gen youn pou pèp Izrayèl jou yo t ap kite peyi Ejip la.
Nòt anba paj
^ Anpalan de “ti branch” ansanm ak “boujon” ki nan vèsè 1 an.
^ Oswa: “malere yo avèk jistis”.
^ Oswa: “lespri”.
^ Se kapab tou: “Ti bèf ak lyon ap manje ansanm”.
^ Oswa: “ak jenn lyon ki gen krinyè”.
^ Oswa: “Nasyon yo ap chèche l”.
^ Anpalan de Babilòn.
^ Oswa: “peyi Kouch”.
^ Oswa: “yon poto ki sèvi kòm siy”.
^ Oswa: “Y ap etann pouvwa yo sou”.
^ Lit.: “sou zepòl”.
^ Oswa: “seche”.
^ Lit.: “ap fann lang”.
^ Anpalan de Rivyè Efrat.
^ Oswa: “lespri”.
^ Se kapab tou: “yon van cho k ap fè Rivyè a fè sèt branch”.
