Pou Jewova ede nou, li ban nou “tout frè [ak sè] nou yo nan monn nan” ​(1P 5:9). Yo ka ede nou fè fas ak difikilte nou rankontre nan travay predikasyon an avèk siksè. Pa egzanp, apot Pòl te jwenn èd nan men Akila ak Prisil, Silas, Timote ak lòt moun ankò. — Tr 18:1-5.

Ki jan kwayan parèy nou yo ka ede nou nan travay predikasyon an? Yo ka ban nou kèk sijesyon pratik sou fason pou n fè fas ak objeksyon yo, pou n fè nouvèl vizit, pou n ofri epi kondui etid biblik. Panse ak yon moun nan kongregasyon w lan ki ta ka ba ou èd ou bezwen an, epi mande l pou l ede w. Sandout nou toule de ap jwenn byenfè e w ap kontribye pou youn lòt gen kè kontan. — Fp 1:25.

GADE VIDEYO KI GEN TIT CHÈCHE JWENN KÈ KONTAN NAN TRAVAY FÈ DISIP LA — AKSEPTE ÈD JEWOVA — FRÈ AK SÈ NOU YO, EPI REPONN KESYON KI ANNAPRE YO:

• Ki jan Nita te eseye ankouraje Jad pou l asiste yon reyinyon ak kongregasyon an?

• Poukisa n ta dwe envite lòt pwoklamatè akonpaye n nan yon etid biblik?

• Nan ki bagay ni Jad ni Abigay te enterese?

• Ki teknik pou anseye kwayan parèy nou yo ka aprann nou?