LESON 02
Bib la bay espwa
Toupatou sou tè a, moun ap fè fas ak yon seri pwoblèm ki fè yo tris, ki fè yo strese e ki menm fè yo soufri. Èske w te janm fè fas ak sitiyasyon ki fè w santi w konsa? Petèt w ap soufri akoz yon maladi oswa akoz yon moun ou renmen ki mouri. E petèt w ap mande tèt ou: ‘Èske lavi a ap janm pi bon?’ Repons Bib la bay la ap ankouraje w.
1. Ki espwa Bib la bay?
Nonsèlman Bib la fè konnen pou ki rezon monn nan chaje ak pwoblèm men tou, li bay yon bon nouvèl, li fè konnen talè konsa pwoblèm sa yo pap la ankò. Pwomès Bib la fè a ka “ban nou yon avni ak yon espwa”. (Li Jeremi 29:11, 12.) Pwomès sa yo ede nou ak pwoblèm nou gen jodi a, yo ede nou wè bagay yo yon pi bon fason, e yo ede nou pou nou gen kè kontan toutbon.
2. Ki jan Bib la fè nou konnen lavi a pral ye?
Bib la fè nou konnen gen yon lè k ap rive “pap gen lanmò ankò, e moun pap nan lapenn ankò akoz moun pa yo ki mouri. Pap gen ni rèl, ni doulè ankò”. (Li Revelasyon 21:4.) Pwoblèm ki fè lavi a parèt sanzespwa jodi a tankou povrete, enjistis, maladi ak lanmò pap la ankò. Bib la fè konnen lèzòm pral viv pou toutan sou tè a k ap vin yon paradi.
3. Ki jan w ka sèten pwomès Bib la fè yo ap reyalize?
Anpil moun espere bagay yo ap vin pi bon men yo pa sèten sa ap fèt vre. Men, se pa menm bagay la pou pwomès ki nan Bib la. Nou kapab gen konfyans nan sa l di yo lè nou “byen egzamine Ekriti yo”. (Travay 17:11.) Pandan w ap etidye Bib la, w ap vin rann ou kont ou kapab fè pwomès li fè konsènan lavni yo konfyans.
FOUYE PLIS
Egzamine kèk nan bagay Bib la pwomèt ki pral rive pi devan. Gade fason esperans Bib la bay ede yon seri moun jodi a.
4. Bib la pwomèt nou ka viv pou toutan san okenn soufrans
Gade yon seri pwomès nou jwenn nan Bib la. Kiyès nan yo ou pi renmen? Poukisa?
Li vèsè ki parèt bò kote pwomès sa yo epi reponn kesyon ki vin apre yo:
-
Èske w santi vèsè sa yo ba w espwa? Èske w panse yo ka bay fanmi w ak zanmi w espwa tou?
Imajine w k ap viv nan yon monn kote:
|
PÈSONN PAP . . . |
TOUT MOUN AP . . . |
|---|---|
|
|
|
|
|
|
|
|
|
|
5. Pwomès Bib la fè yo ka ede nou viv pi byen
Jodi a, pwoblèm yo fè anpil moun dekouraje e genyen ki menm fache. Gen nan yo k ap batay pou bagay yo vin pi bon. Gade pou w wè ki jan pwomès Bib la fè pou bagay yo vin pi bon an ede anpil moun jodi a. Gade VIDEYO a, epi reponn kesyon ki vin apre yo.
-
Ki enjistis ki te bay Rafika pwoblèm?
-
Malgre enjistis li te wè yo toujou la, ki jan Bib la te ede l?
Lè nou met konfyans nou nan sa Bib la di sou lavni, nou ka lite ak dekourajman e nou ka vin gen kè kontan menm lè nou gen pwoblèm. Li Pwovèb 17:22 ak Women 12:12, epi reponn kesyon ki vin apre yo:
-
Èske w panse mesaj espwa ki nan Bib la ka fè w viv pi byen depi kounye a? Poukisa?
GEN MOUN KI DI: “Pwomès ki nan Bib la se bèl pawòl, men yo pap reyalize vre.”
-
Poukisa l enpòtan pou w fè rechèch pa w?
SA W TE APRANN
Bib la fè anpil bèl pwomès konsènan lavni, sa ban nou espwa e sa fè nou viv pi byen depi kounye a.
Revizyon
-
Poukisa moun bezwen espwa?
-
Ki pwomès Bib la fè pou lavni?
-
Ki jan espwa Bib la bay pou lavni ka ede w depi kounye a?
APRANN PLIS
Gade ki jan espwa kapab ede w lè w ap fè fas ak pwoblèm.
Gade ki jan espwa kapab ede moun k ap viv avèk gwo pwoblèm sante.
“Èske Bib la kapab ede m si m ap viv ak gwo pwoblèm sante?” (Atik sou Entènèt)
Imajine ou menm ak fanmi w k ap viv nan Paradi Bib la pwomèt la toutpandan w ap gade videyo mizik sa a.
Gade ki jan lavi yon moun ki t ap lite pou chanjman te vin chanje lè l te aprann espwa Bib la bay pou lavni an.
“Mwen pa panse m dwe chanje monn nan ankò” (Toudegad 1ye jiyè 2013)
Lòt sijè ki enteresan
KESYON MOUN POZE SOUVAN
Ki sa etid Labib Temwen Jewova yo ofri a ye?
Temwen Jewova yo ofri yon pwogram etid Labib gratis ki pèmèt yon etidyan patisipe nan etid la. Pwogram sa a pèmèt ou itilize nenpòt tradiksyon Labib. Ou kapab envite nenpòt fanmi oswa zanmi patisipe nan etid la.
