1. Bondye te voye Kris

Pou’l kapab delivre nou

Anba peche avèk lanmò,

Sa se yon gwo prèv lanmou.

Si nou regrèt mal nou te fè,

N’ap kapab mande’l padon

Sou baz sakrifis Jezi a,

Ki te bay vi’l kòm ranson.

2. N’ap jwenn bonjan padon

Si nou imite Bondye,

Si’n padone moun ak tout kè’n,

Si’n gen lanmou ak pitye.

Ann aprann sipòte lòt moun,

Ann pa rann yo mal pou mal.

Annou onore frè nou yo,

Pou lanmou nou vin total.

3. Fò’n aprann padone,

Konsa’n pap kenbe rankin.

N’ap wete lahèn nan kè nou,

N’ap gen lapè nan lavi’n.

Lè nou imite Jewova,

N’ap dispoze padone,

N’ap renmen frè nou yo toutbon,

Wi, n’ap sanble ak Bondye.