Yon pèp ki ini
Telechaje:
1. Gen yon tanpèt k’ap pwoche,
Nou pa sezi pou sa.
Se gwo van pèsekisyon
Ki te frape nou deja.
N’ap fè fas avè’l ak kouraj,
Paske Jewova avè’n.
Donk, pa gen ‘zam yo fè kont nou’
K’ap janm kapab fè nou pè.
(REFREN)
Nou s’on pèp ki ini toutbon,
N’ap travay nan tèt ansanm.
Toupatou, nou tout kenbe fèm,
Paske Jewova fè’n djanm,
Paske Jewova fè’n djanm.
2. Kè nou poze e n’ap tann
Jewova, ki Toupisan.
Se li k’ap delivre nou,
Lanmou’l la pou toutan.
Li pap janm kite pèp li a.
Lespri sen’l ede’n kenbe.
Non, ènmi’n yo pap kraze nou.
Se pou Jewova nou ye!
(REFREN)
Nou s’on pèp ki ini toutbon,
N’ap travay nan tèt ansanm.
Toupatou, nou tout kenbe fèm,
Paske Jewova fè’n djanm.
(YON TI DIPLIS)
Nou ansanm, n’ap vanse,
Nou pa pè okenn ènmi.
E kè nou se pou Jewova,
Se yon bèl kado’n ba li.
(REFREN)
Nou s’on pèp ki ini toutbon,
N’ap travay nan tèt ansanm.
Toupatou, nou tout kenbe fèm,
Paske Jewova fè’n djanm,
Paske Jewova fè’n djanm.
