FASON W KA JWENN SOULAJMAN ANBA STRÈS
Nou kapab viv san strès!
Sajès ki gen nan Bib la kapab ede nou pou n pa gen anpil strès ki pa nesesè. Nou menm nou pa ka efase tout bagay k ap strese nou, men Kreyatè nou an gen pouvwa pou l fè sa. Li mete yon moun pou ede nou. Moun sa a se Jezi Kris. Talè konsa, Jezi pral fè plis bèl bagay pou lèzòm sou tout tè a pase sa l te fè lè l te sou tè a. Pa egzanp:
JEZI PRAL GERI MOUN KI MALAD YO, JAN L TE KONN FÈ SA.
“Moun yo te mennen tout moun ki t ap soufri ak divès kalite maladi [. . .], epi li geri yo.” — MATYE 4:24.
JEZI PRAL BAY TOUT MOUN KAY AK MANJE.
“Y ap [moun Kris pral dirije yo] bati kay e y ap abite ladan yo. Y ap plante jaden rezen e y ap manje fwi yo bay. Yo pap bati pou lòt moun abite, e yo pap plante pou lòt moun manje.” — EZAYI 65:21, 22.
JEZI PRAL METE LAPÈ AK SEKIRITE SOU TOUT TÈ A.
“Pandan l ap dirije a, moun ki jis yo ap vin anpil, e lapè ap blayi tout kote jiskaske lalin nan pa la ankò. L ap gen moun l ap dirije sot nan yon lanmè rive nan yon lòt lanmè, soti nan Rivyè a rive nan dènye bout tè a. [...] Wa a ap bat ènmi l yo.” — SÒM 72:7-9.
JEZI PRAL FINI AK ENJISTIS.
“L ap gen pitye pou malere a ak moun ki pòv yo, l ap sove lavi moun ki pòv yo. L ap delivre yo anba men moun k ap toupizi yo e anba vyolans.” — SÒM 72:13, 14.
JEZI PRAL MENM RETIRE SOUFRANS AK LANMÒ.
“Pap gen lanmò ankò, e moun pap nan lapenn ankò akoz moun pa yo ki mouri. Pap gen ni rèl, ni doulè ankò.” — REVELASYON 21:4.
Lòt sijè ki enteresan
REPONS BIB LA BAY
Ki sa Wayòm Bondye a pral fè?
Gade ki sa nou kapab jwenn lè Wayòm Bondye a pral dirije tout tè a.
