Lè n ap li Bib la, nou ka sèvi ak divès zouti pou n ka pi byen konprann sa n ap li a. Sepandan, nou pa ta dwe ap etidye jis pou n gen plis konesans sou Bib la. Nou ta renmen aprann plis sou pèsonalite Jewova, sa k ap fè n vin pi renmen l. Pou n rive fè sa, nou kapab mande tèt nou: ‘Ki sa istwa sa a ki nan Bib la aprann mwen sou Jewova?’

Nou ka chèche konn plis bagay sou kalite estrawòdinè Jewova genyen, tankou lanmou, sajès, jistis ak pisans. Men, se pa kalite sa yo sèlman Jewova genyen. Li gen anpil lòt bèl kalite. Ki kote nou ka jwenn plis enfòmasyon sou kalite li genyen yo?

Ale nan Index des publications des Témoins de Jéhovah nan tit “Jéhovah” epi nan soutit “Qualités par nom”, w ap jwenn yon lis ki gen plis pase 50 lòt kalite Jewova genyen. Chèche kalite ki gen rapò ak istwa w ap li nan Bib la. (Si se Gid pou Temwen Jewova yo fè rechèch ou genyen sèlman, al nan tit “Jewova Dye” epi al nan soutit “Kalite Jewova yo”.)