Ki sa Bib la di?
Ki sa k rive apre yon moun fin mouri?
GEN MOUN KI KWÈ moun ki mouri a ap viv sou yon lòt fòm, sepandan, gen lòt moun ki panse lanmò mete fen nan tout bagay. E ou menm, ki sa w kwè?
MEN SA BIB LA DI
“Moun ki mouri yo pa konn anyen ditou.” (Eklezyas 9:5). Lè nou mouri, nou sispann egziste.
LÒT BAGAY NOU APRANN NAN BIB LA
Adan, premye òm nan, te retounen nan pousyè lè l mouri (Jenèz 2:7; 3:19). Se menm bagay la pou tout lòt moun ki mouri yo, yo retounen nan pousyè. — Eklezyas 3:19, 20.
Moun ki mouri yo peye pou peche yo oubyen yo jwenn padon pou peche yo (Women 6:7). Apre yon moun fin mouri, pa gen okenn lòt pinisyon y ap ba li pou peche l.
Èske moun ki mouri yo ka tounen viv ankò?
ÈSKE W T AP DI?
Wi
Non
Petèt
MEN SA BIB LA DI
“Pral gen yon rezirèksyon.” — Travay 24:15.
LÒT BAGAY NOU APRANN NAN BIB LA
Byen souvan, Bib la konpare lanmò ak dòmi (Jan 11:11-14). Bondye ka reveye yon moun ki mouri, menm jan nou ka reveye yon moun k ap dòmi. — Jòb 14:13-15.
Bib la rapòte plizyè rezirèksyon. Rezirèksyon sa yo ban nou yon baz solid pou nou kwè moun ki mouri yo pral resisite. — 1 Wa 17:17-24; Lik 7:11-17; Jan 11:39-44.
Lòt sijè ki enteresan
REPONS BIB LA BAY
Ki sa k rive lè yon moun mouri?
Èske moun ki mouri yo konn sa k ap pase bò kote yo?
