Nan dat 9 oktòb 2024 la, Milton, yon siklòn kategori 3 te frape zòn Gòlf Florid, Etazini, e l te lakòz anpil dega nan tout Eta Florid la. Siklòn sa a ki te fò anpil te pase mwens pase de semèn apre siklòn Helene te fin frape zòn nan, sa ki lakòz plis inondasyon ak dega. Milton te gen yon seri van ki te deplase jiska yon vitès 289 kilomèt alè. Gen plizyè zòn bò lanmè ki te jwenn jiska 45 santimèt lapli ak gwo vag ki te rive jiska 3 mèt wotè, sa ki te lakòz gwo inondasyon.

Mete sou sa, siklòn Milton te lakòz omwen 38 tònad ki te ravaje pati sid ak pati santral Florid. Gen prèske 80 000 moun ki toujou pa gen kouran, e gen omwen 24 moun ki pèdi lavi yo.

• Pa gen okenn frè ak sè ki mouri

• 2 pwoklamatè blese grav

• 4 pwoklamatè blese, men yo pa grav

• 9 949 pwoklamatè oblije deplase kite kay yo

• 16 kay kraze

• 235 kay sibi gwo domaj

• 1 398 kay sibi ti domaj

• 1 Sal Wayòm sibi ti domaj

• 30 Sal Wayòm pa gen kouran pou kounye a e yo pa ka sèvi avèk yo

• De jou anvan siklòn Milton te frape, filyal Etazini an te voye yon lèt bay plis pase 800 kongregasyon ki te sou wout siklòn nan. Lèt la te gen bonjan enfòmasyon pou moun ki te vle deplase kite zòn nan.

• Siveyan sikonskripsyon yo ak ansyen yo nan zòn nan ap bay frè ak sè siklòn Helene ak Milton afekte konsolasyon ki soti nan Bib la ak èd yo bezwen.

• Yo mete 3 Komite sekou sou pye pou òganize travay pote èd apre de siklòn yo

• Lanmou te pouse plizyè santèn Temwen Jewova nan Jòjya ak Kawolin disid, Ozetazini, resevwa frè ak sè ki deplase yo lakay yo.

Nou tout frè ak sè sou tè a, n ap priye pou Jewova kontinye bay tout moun de gwo siklòn sa yo afekte “refij ak pwoteksyon”. — Ezayi 4:6.