8 JIYÈ 2022
LARISI

Lapriyè ba yo fòs

FÈ L JWE

Lapriyè ba yo fòs

Tribinal distri Pèvomayski nan Ijevsk gen pou fè konnen desizyon li pran nan ka ki konsène frè Sergey Ashikhmin, frè Maksim Derendyaev ak frè Aleksandr Kutin. Komisè a poko fè konnen ki santans li ta renmen yo ba yo.

Dat ak evènman ki te pase

14 avril 2021

Ajan FSB yo te fouye omwen 12 kay Temwen Jewova. Otorite yo te fè 7 èdtan ap poze frè Sergey kesyon. Yo te kenbe frè Maksim ak frè Aleksandr e yo te mete yo nan prizon.
15 avril 2021

Yo te mete frè Maksim ak frè Aleksandr nan detansyon pwovizwa.
29 avril 2021

Yo te lage frè Aleksandr.
14 me 2021

Yo te entèdi frè Aleksandr kite kay li.
9 jiyè 2021

Yo te lage frè Maksim men yo te entèdi l kite kay li.
14 mas 2022

Pwosè a kòmanse.

Enfòmasyon pèsonèl

Sergey Ashikhmin

Dat ak kote li fèt: 1973 (Jechat, repiblik Komi)

Byografi: Li te travay kòm sekirite e pi devan li te travay kòm moun k ap vann. Sa pa gen lontan li te fè yon operasyon nan kè, sa ki fè li pa ka travay.

Lè l te aprann Jezi te bay yon ranson, sa te touche l anpil. Li te batize kòm Temwen Jewova an 2001. Li te marye ak Anastasiya an 2007.

Kòmantè li fè

Nan ki sitiyasyon ou te twouve lapriyè se yon èd?

Lè yo te fouye kay nou, tout bagay te pase byen vit. Mwen pa t gen tan pou m fè yon priyè ki long. Se sa k fè, mwen te fè menm jan ak Neyemi yo pale de li nan Bib la, mwen te fè yon priyè tou kout. Mwen te mande Bondye sajès, kran ak kouraj.

Mete sou sa, pandan otorite yo t ap poze m kesyon, yo te poze m yon bann kesyon pyèj. Mwen te mande Jewova pou l ede m konnen ki lè pou m pa di anyen e pou l ban m kapasite pou m pale lè sa nesesè.

Maksim Derendyaev

Dat ak kote li fèt: 1985 (Ijevsk, repiblik Oudmouti)

Byografi: Li travay kòm elektrisyen.

Bonte li wè ki lakay Temwen Jewova yo te pouse l etidye Labib avèk yo. Li te batize an 2000. Li te marye ak Tatyana an 2015.

Kòmantè li fè

Ki difikilte ou te sitou jwenn pandan w te nan detansyon pwovizwa a, e ki sa k te ede w rive fè fas avè l?

Nou pa ka chwazi kiyès k ap avèk nou lè nou nan prizon. Pafwa, yo te konn fè vye blag sou mwen, e li te konn difisil pou m pa t okipe yo ak blag yo t ap fè a.

Mwen te rann mwen kont mwen te pran sa yo te di yo twò oserye. Se sa k fè, mwen te priye Jewova pou m di l jan sitiyasyon sa a difisil pou mwen, e pou l ede m byen reyaji. Pandan moman difisil sa a, mwen te wè jis nan ki pwen Jewova sansib e li gen konsiderasyon pou nou.

Aleksandr Kutin

Dat ak kote li fèt: 1982 (Ijevsk)

Byografi: Li fè soudi.

Lè li te fin aprann ki moun Jezi ye, sa te pouse l pou l suiv egzanp li. Li te batize an 2002. Li te marye ak Guzel an 2018.

Kòmantè li fè

Ki jan w te rive kenbe jwa w pandan w te nan detansyon pwovizwa?

Lefètke m te nan detansyon pwovizwa, yo te anpeche m gen aksè ak tout sa ki te enpòtan pou mwen: moun mwen renmen yo, reyinyon yo, Bib la, e menm anpeche m fè yon seri bagay m te konn fè. Lè m te lakay mwen, mwen te konn leve nan maten, mwen pran yon ti te oswa kafe, e apre sa mwen li yon vèsè nan Bib la ak madanm mwen e nou pale sou li. Mwen pa t janm imajine yon moun t ap ka anpeche m fè tout bagay sa yo. Men, mwen te rann mwen kont gen yon bagay yo pa t ap ka anpeche m fè: Priye. Lè m te priye, mwen te ka santi Jewova ban m lespri sen l pou m ka kenbe jwa m e pou m pa dekouraje.

Epitou, mwen te gen yon pakèt posiblite pou m bay temwayaj [...]. Lè m te nan yon selil ak sèt lòt gason, yo t ap mande m rezon ki fè yo mete m nan prizon. Mwen te chita pou m esplike yo rezon an. Nan moman sa a, Jewova te ede m santi m kalm e anpè. Mwen te fè yon priyè an silans pou m di Bondye mèsi pou sa.

Frè nou yo ap fè fas ak enjistis, toupandan yo gen konfyans nan Jewova ki fè pwomès ki apre a: “Ou pa bezwen pè, paske mwen avè w.” — Ezayi 43:5.

Lòt sijè ki enteresan

NOUVÈL

Yo nan prizon pou lafwa yo — Larisi

Gen Temwen Jewova nan peyi Larisi yo mete nan prizon pou lafwa yo. Aprann nan istwa yo, e w ap ka enprime yon lis ki gen Temwen nan peyi Larisi ki nan prizon.

NOUVÈL