Nan dat 28 oktòb 2020 an, tribinal vil Dimitrovgrad nan rejyon Ulyanovsk refize lage frè Konstantin Bazhenov anvan lè e pou l ta fè l peye yon amann nan plas rès tan ki rete pou l pase nan prizon an. Li gen dis jou pou l fè apèl desizyon sa a.

An jen 2018, lè yo te fèk mete frè Bazhenov nan detansyon prevantif, li te pè e nou konprann sa. Men, li te kòmanse ekri vèsè biblik nan yon kaye. Li te rive sonje anviwon 500 vèsè. Rive yon lè, li te vin gen yon Bib e l te li l nan kat mwa. Frè Bazhenov te ekri lòt moun lèt pou l pataje panse nan Bib la ki ankourajan avèk yo. Epitou, li chante kantik yo e l toujou ap sipliye Jewova pou ede l.

Frè Bazhenov fè plis pase 340 jou nan detansyon prevantif. Apre yo te fin kondane l pou l pase twazan edmi nan prizon an septanm 2019, li te kontinye ak menm pwogram espirityèl li te genyen an. Avèk èd Jewova, frè Bazhenov te rive asiste Memoryal la pandan l nan prizon an. Lefètke frè Bazhenov rete pwòch ak Jewova, sa ede l andire pèsekisyon ak kè kontan. Annou toujou sonje priye pou frè Bazhenov.