Jou ki te 7 janvye 2024 la, yo te anonse Labib — Bon nouvèl la selon Matye parèt nan lang tandwòy, tankarana ak vezo. Gen yon reyinyon espesyal ki te fèt nan chak zòn nan Madagaska kote yo pale lang sa yo. Moun ki te nan reyinyon an te resevwa yon Bib nan tradiksyon sa a. Men, yo te ka telechaje l tou sou aparèy elektwonik yo.

Frè Paul Rahajanirina, yon frè ki fè pati komite filyal Madagaska a, te fe konnen Labib — Bon nouvèl la selon Matye disponib nan lang tandwòy. Te gen 442 moun ki te la nan asistans lan nan yon Sal Wayòm nan vil Ambovombe. Epitou, te gen 681 lòt moun ankò ki t ap suiv program nan pa mwayen videyo konferans. Pou kounye a, gen 662 frè ak sè k ap sèvi nan 25 kongregasyon ak gwoup nan lang tandwòy divès kote nan Madagaska.

Frè Rolland Rafalibera, yon frè ki fè pati komite filyal la te anonse Labib — Bon nouvèl la selon Matye disponib nan lang tankarana. Anons sa a te fèt pandan yon reyinyon espesyal nan yon Sal asanble nan vil Antsiranana. Te gen 904 frè ak sè ki te asiste an pèson e te gen 1 218 lòt ankò ki te suiv pwogram nan pa mwayen videyo konferans. Gen plis pase 1 000 frè ak sè k ap sèvi nan 28 kongregasyon ak gwoup nan lang tankarana nan peyi Madagaska.

Se frè Christopher Thomas, yon frè nan komite filyal la, ki te anonse Labib — Bon nouvèl la selon Matye nan lang vezo pandan yon reyinyon espesyal ki t ap fèt nan yon Sal Wayòm nan vil Toliara. Anviwon 1 290 frè ak sè te asiste pwogram nan an pèsòn e 305 lòt te suiv li pa mwayen videyo konferans. Gen 706 frè ak sè k ap sèvi nan 20 kongregasyon ak gwoup nan lang vezo.

Byenke reyinyon sa yo te fèt nan divès lokal, se pa ti kontan tout frè n ak sè n yo te montre yo kontan lè yo te resevwa tradiksyon liv Matye a ki vrèman klè, egzak e yo ka li byen fasil nan pwòp lang pa yo!

Nou di Jewova mèsi dèske frè n ak sè n yo ki pale lang tandwòy-, tankarana- ak vezo- resevwa nouvo tradiksyon Labib sa a k ap ede yo fè louwanj pou Bondye e k ap ede yo vin gen plis lafwa nan li. — Matye 5:3.