Ki moun k al nan lanfè?
Repons Bib la bay
Lanfè (nan lang yo te ekri Bib la, yo di “Cheyòl” ak “Adès”) se senpleman tonm, se pa yon kote ki gen dife ki la pou yo toumante moun. Ki moun k al nan lanfè? Ni bon moun ni move moun al nan lanfè (Jòb 14:13; Sòm 9:17). Labib fè konnen tonm sa a se “kote tout moun ki vivan gen pou y ale a”. — Jòb 30:23.
Menm Jezi t al nan lanfè lè l te mouri. Men, “li pa t rete nan lanfè” paske Bondye te resisite l. — Travay 2:31, 32, The Bible in Basic English.
Èske lanfè la pou toutan?
Tout moun k al nan lanfè ap gen pou soti ladan l, y ap tounen viv ankò paske Bondye bay Jezi pouvwa pou fè sa (Jan 5:28, 29; Travay 24:15). Anrapò ak rezirèksyon sa a ki gen pou fèt la, Revelasyon 20:13 fè konnen “lanmò ak lanfè remèt mò ki te nan yo”. (Labib Wa Jak.) Yonfwa lanfè a vid, li pap egziste ankò. Pap janm gen moun ki pral ladan l ankò paske “pap gen lanmò ankò”. — Revelasyon 21:3, 4; 20:14.
Men, se pa tout moun ki mouri k al nan lanfè. Labib montre gen kèk moun ki tèlman vin mechan, sa fè yo pa janm repanti (Ebre 10:26, 27). Lè moun sa yo mouri, yo pa al nan lanfè, y al nan Jeyèn ki reprezante destriksyon etènèl (Matye 5:29, 30). Pa egzanp, Jezi te fè konnen gen kèk moun pami chèf relijye ipokrit nan epòk li a ki t apral nan Jeyèn. — Matye 23:27-33.
Lòt sijè ki enteresan
REPONS BIB LA BAY
Ki sa lanfè ye? Èske se yon kote yo toumante moun pou toutan?
Èske yo pini moun ki mechan yo nan yon dife lanfè? Èske lanfè se konsekans peche? W ap jwenn repons Bib la pou kesyon sa yo.
KÈK ANSÈYMAN BIBLIK KI ENPÒTAN ANPIL
Èske lanfè se yon kote toutbon kote moun ap soufri?
Labib fè nou konnen “Bondye se lanmou”, li pa t ap janm fè moun soufri pou peche yo te fè anvan yo mouri.
REPONS BIB LA BAY
Ki sa letan dife a ye? Èske se menm bagay ak lanfè oswa Jeyèn?
Jezi gen “kle Tonm” nan, men èske se li gen yon kle pou letan dife a?
ANSÈYMAN FONDAMANTAL KI NAN BIB LA
Nan ki kondisyon moun ki mouri yo ye?
Labib pwomèt gen yon lè anpil moun mouri pral resisite, menm jan ak Laza.
