Ki jan paran yo kapab pale ak pitit yo sou sèks?
Repons Bib la bay
Kiyès ki dwe anseye timoun yo konsènan sèks? Se paran yo Labib bay responsablite sa a, e anpil paran twouve konsèy ki vin apre yo ede yo:
Pa santi w jennen. Labib pale klè sou sèks ak pati entim moun, e Bondye te fè nasyon Izrayèl la konnen yo te dwe anseye “timoun” yo bagay sa yo (Detewonòm 31:12; Levitik 15:2, 16-19). Ou ka sèvi ak bon mo, mo ki pa sal pou w pale de pati entim moun ak pitit ou.
Bay fòmasyon an tikras pa tikras. Olye w ret tann se lè timoun nan pral fòme pou w fè yon sèl gwo pale avè l sou sèks, li t ap pi bon pou w ba l kèk enfòmasyon tikras pa tikras selon konpreyansyon l toutpandan l ap grandi. — 1 Korentyen 13:11.
Anseye yo prensip moral. Lekòl kapab anseye timoun yo kèk bagay sou sèks. Sepandan, Labib ankouraje paran yo pou yo anseye pitit yo nonsèlman diferan pati nan kò yo, men tou bon fason pou yo konsidere sèks ak fason pou yo konpòte yo. — Pwovèb 5:1-23.
Koute pitit ou. Pa reyaji yon fason ki egzajere oswa pa kouri jije pitit ou si l poze w kesyon sou sèks. Men, se pou w “dispoze koute, [ou] pa dwe prese pale”. — Jak 1:19.
Fason pou w pwoteje pitit ou pou moun pa fè abi seksyèl sou yo
Aprann pitit ou pou l reziste si yon moun ap eseye fè abi seksyèl sou li.
Fòme tèt ou. Chèche konn ki kalite moun ki konn fè abi seksyèl sou timoun. — Pwovèb 18:15; gade chapit 32 nan liv Bonjan repons pou kesyon jèn yo konn poze, volim 1.
Enterese nan sa k ap pase nan lavi pitit ou. Pa annik bay yon lòt moun pran swen pitit ou san w pa sèten si w ka fè l konfyans, e pa kite pitit ou “fè sa l vle”. — Pwovèb 29:15.
Ede yo gen yon pwennvi ekilibre sou obeyisans. Timoun yo bezwen aprann obeyi paran yo (Kolosyen 3:20). Men, si w fè pitit ou konnen li dwe obeyi tout granmoun, w ap fè l fasil pou moun fè abi seksyèl sou li. Paran ki kretyen yo ka fè pitit yo konnen si yon moun mande yo fè yon bagay Bondye di ki pa bon, yo pa dwe fè l. — Travay 5:29.
Fè seyans pratik. Ede pitit ou konnen sa pou yo fè si yon moun eseye fè abi seksyèl sou yo. Fè demonstrasyon ak pitit ou pou w aprann yo di: “Non pa fè m sa, m pral pot plent pou ou” e pou yo deplase tousuit. Ou ka bezwen pale sou sa ak “pitit ou toutan” paske li fasil pou yo bliye. — Detewonòm 6:7, Contemporary English Version.
Lòt sijè ki enteresan
TOUDEGAD
Bay pitit nou prensip moral
Èske pitit ou konnen laverite sou kesyon sèks? Gade sou ki prensip nan Bib la ou ka pale ak pitit ou.
TOUDEGAD
Pale ak pitit ou sou sèks
Li vrèman enpòtan pou paran yo pale ak pitit yo sou sèks. Gade pou w wè jan w ka pale sou sijè sa a anpil paran pè pale ak pitit yo.
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.