Seri videyo Fè zanmi ak Jewova yo, ki gen kantik ansanm ak pèsonaj ki rele Kalèb ak Sofya a, se yon seri videyo ki popilè anpil. Ni paran ni timoun te ekri pou fè konnen jan yo apresye tout kalite videyo ki gen nan seri sa a. Men kèk nan kòmantè timoun yo te fè:

• “Mèsi pou DVD ‘Koute, obeyi, w ap jwenn benediksyon’ an. Mwen gade l chak jou ansanm nounous mwen an ki se yon jagwa.” — Zach, 10 an.

• “Nouvo chante a fè m konnen Jewova renmen m e l vle m priye l nenpòt lè.” — Mikariah, 6 an.

• “M aprann pou m obeyi paran m e pou m netwaye tout kote m sal. Mèsi poutèt nou fè fim pou timoun sa a pou nou.” — Nicole, 8 an.

• “Mèsi anpil pou videyo a. Li amizan anpil. Li tèlman ankourajan. Mwen renmen l anpil.” — Mckenzie, 5 an.

• “Mwen renmen videyo Fè zanmi ak Jewova yo. M gade yo chak jou. Jewova janti anpil lefètke l fè nou konnen sa l panse.” — Ava, 8 an.

• “M renmen gade videyo yo. M ap eseye aprann tout chante yo. Videyo yo fè m renmen Jewova.” — Devon, 4 an.

• M pa ka tann pou m wè pwochen videyo Kalèb la! Kontinye fè bon travay n ap fè a. — Vance, 8 an.