“Vrèmanvre, nou se yon bèl egzanp!”
TEMWEN JEWOVA k ap viv nan Saponara, yon vil ki nan Sisil, te resevwa yon plak paske yo te pote moun sekou apre yon gwo inondasyon te frape zòn nan.
Jou ki te 22 novanm 2011 lan, yon gwo lapli te frape vil ak vilaj ki nan pwovens ki rele Mesina a. Jou aprèmidi sa a, te gen yon deboulonay tè nan Saponara ki te touye twa moun, yon timoun ak de granmoun.
Kèk jou apre dezas la, Temwen Jewova yo te òganize ekip volontè yo e yo te ba yo zouti pou yo retire labou ak fatra nan zòn ki plis frape yo.
Ekip yo travay ansanm ak otorite yo e yo bay èd kote ki te plis frape yo. Yo te kontinye travay menm apre yo te fin bay premye sekou yo. Ant 50 ak 80 Temwen te patisipe nan travay sa a, e gen kèk ladan yo ki sot nan yon distans ki plis pase 97 kilomèt.
Plizyè moun nan zòn dezas la montre jan yo gen Temwen yo rekonesans. Yo te tande majistra a k ap plede di: “Vrèmanvre, nou se yon bèl egzanp!”
Senk mwa annapre, Fabio Vinci, yon konseye k ap travay nan administrasyon minisipal la, te bay kongregasyon Temwen Jewova yo nan zòn nan yon plak.
Lòt sijè ki enteresan
KESYON MOUN POZE SOUVAN
Èske Temwen Jewova yo ede moun lè gen katastwòf natirèl?
Li sijè sa a e w ap wè jan nou ede kretyen parèy nou ak lòt moun lè gen katastwòf natirèl.
NOU ITIL KOMINOTE A
Temwen Jewova yo nan peyi Itali ede vwazen yo
Ki èd yo te bezwen? Ki fason Temwen yo te ede yo?