Աշխատողները բետոն են թափում ավտոտնակի դիմաց, որտեղ կսպասարկվեն շինարարական մեքենաները։

Պայմանագրով աշխատողները ամրացնում են այն շինության տանիքի պանելները, որտեղ շինարարության ընթացքում կլինեն գրասենյակները և ճաշարանը։

Աշխատողը գլխավոր մուտքի մոտ ծառահատիչ կցորդով էքսկավատորի միջոցով տարածքից հեռացնում է որոշ ծառեր։ Էքսկավատորը ծառահատիչ կցորդով սեղմում է ծառը, կտրում է բունը, հետո տեղափոխում է ծառը։ Կտրված ծառերի փոխարեն՝ լանդշաֆտային դիզայներները մինչև շինարարական նախագծի ավարտը հազարավոր նոր ծառեր կտնկեն։

Աշխատողները հողից դուրս են բերում նախկին սեփականատիրոջ ժամանակներից մնացած անպետք բաները։ Դրանից հետո հողը հնարավոր կլինի մաքրել և կրկին օգտագործել։

Աշխատողները պատրաստվում են կռունկով բարձրացնել ժամանակավոր խցիկները։ Մշտական շինարարական խումբը և պայմանագրով աշխատողները այդ խցիկները կօգտագործեն որպես ժամանակավոր շինարարական գրասենյակներ և սպասարկման կետեր։

Աշխատողները վերամշակման ենթակա նյութերը տեսակավորում են դրանց համար նախատեսված աղբարկղերի մեջ։ Շինարարական նախագծի կոմիտեն նպատակ է դրել ոչ վնասակար թափոնների 95 տոկոսը հեռացնել աղբավայրերից, սակայն այսօր այդ տոկոսը գերազանցում է նախատեսվածը։ Բացի այդ, բոլոր շինարարական թափոնների, ինչպիսիք են աղյուսները, բետոնը և փայտանյութը, 89 տոկոսը վերամշակվել է շինհրապարակում օգտագործվելու համար։

Շինհրապարակում աշխատող խմբի անդամներից մեկը խրամուղիների լցում է անում։ Դրանք կսպասարկեն շինարարների համար նախատեսված ժամանակավոր կացարանները։

Պայմանագրով աշխատողը հողային նմուշներ է հավաքում, որպեսզի որոշի՝ արդյոք այն հարմար է տարածքի շուրջը ճանապարհներ կառուցելու համար։

2016թ. մայիսի 31-ին այս նախագիծը հավանություն ստացավ Եհովայի վկաների Կառավարիչ մարմնի կողմից։ Այդ հավանությամբ, ինչպես նաև տեղի իշխանություններից ստացած նախնական հավանությամբ շինարարական նախագծի աշխատանքները հստակ առաջ են գնում։

Աշխատողները տարածքից վերցված հողից հեռացնում են անցանկալի նյութերը։ Հողը կարելի է նորից օգտագործել մեկ ուրիշ տեղում։ Այս աշխատանքի շնորհիվ կարիք չի լինի տարածքից հողի հեռացման և դրա փոխարեն նոր նյութի ձեռք բերման համար ծախսեր անել։

Աշխատողները մաքրում են այն տարածքը, որտեղ կառուցվելու է դեպի գլխավոր մուտք տանող ճանապարհը։ Չնայած այդ ամսին հորդառատ անձրևներ էին տեղացել, որոնք տարածքի մի մասը ճահճուտի էին վերածել, սակայն աշխատանքները շարունակվել էին։

Փոշուց խուսափելու համար ճանապարհներին ջուր են ցողում։ Շինհրապարակը մաքուր վիճակում պահպանելը «Considerate Constructors Scheme» կազմակերպության շինարարական նորմերից մեկն է։ Շինարարական նախագծի կոմիտեն գրանցվել է այդ կազմակերպությունում՝ կատարելու համար տեղի նախագծման հետ կապված պահանջները։ Այն շինարարական նորմերը, որոնց այդ կազմակերպությունը խրախուսում է հետևել, ներդաշնակ են աստվածաշնչյան սկզբունքներին, քանի որ հորդորում են հարգանք դրսևորել համայնքի նկատմամբ և ուշադրություն ցուցաբերել հարևանների հանդեպ։

Մետաղագործը կտրում է այն պտուտակավոր ձողերը, որոնք կպահեն փողրակները, որոնց միջով էլ անցնելու են օդափոխության համակարգի խողովակները։

Աշխատողները 20000 խորանարդ մետր (26000 խորանարդ յարդ) բնահողը առանձնացնում են քարերից։ Ինչպես երևում է լուսանկարի կենտրոնում, հողը լցվում է ինքնաբեռնաթափվող կցասայլի մեջ։ Հողը տարբեր չափի՝ մեծ և միջին անցքեր ունեցող մաղերով մաղվում է, և մաքրված հողը լցվում է կցասայլի ներքևի հատվածը։ Ապա երեք կողմերում գտնվող փոխակրիչներով այն լցվում է ինքնաթափերի մեջ։

Պայմանագրով աշխատողները մեծ քանակությամբ հող են հեռացնում տարածքից, որպեսզի դրա ռելիեֆը համապատասխանի շենքերի նախագծի պահանջներին։

Նկարի ձախ կողմում պայմանագրով աշխատողները ավարտում են հողի հարթեցման աշխատանքը, որպեսզի կարողանան գցել բնակելի շենքերի հիմքը։ Ձախ կողմի հետնամասում ավարտված ժամանակավոր բնակելի շինությունն է, որտեղ կարող են ապրել 118 աշխատողներ։