2024 թ. հունիսի 26-ին Ռոստովի մարզի Նովոչերկասկ քաղաքի դատարանը մեղավոր ճանաչեց քույր Լյուբով Գալիցինային, եղբայրներ Գարեգին Խաչատուրյանին և Գևորգ Երիցյանին։ Լյուբովը դատապարտվեց երկու տարի և երեք ամսվա ազատազրկման, բայց հաշվի առնելով նախնական կալանքի կենտրոնում նրա անցկացրած ժամանակը՝ նրա ազատազրկման ժամկետը համարվում է լրացած։ Նա չի կալանավորվի։ Գարեգինն ու Գևորգը դատապարտվեցին վեց տարի ու վեց ամսվա և վեց տարի ու երկու ամսվա ազատազրկման՝ համապատասխանաբար։ Երկու եղբայրներն էլ կմնան անազատության մեջ։

Վստահ ենք, որ ինչ էլ մեր հակառակորդները անեն մեզ վնասելու համար, Եհովան կշարունակի օրհնել իր հավատարիմ ծառաներին և ամեն չարիք «բարիք կդարձնի» նրանց համար (Ծննդոց 50։20)։

1. Օգոստոսի 11, 2022

   Լյուբովի, Գարեգինի և Գևորգի դեմ քրեական գործ հարուցվեց։ Նրանց տները խուզարկվեցին։ Գարեգինին և Գևորգին տեղափոխեցին ժամանակավոր կալանքի կենտրոն։

2. Օգոստոսի 12, 2022

   Գարեգինին և Գևորգին տեղափոխեցին նախնական կալանքի կենտրոն։

3. Օգոստոսի 16, 2022

   Լյուբովին տեղափոխեցին ժամանակավոր կալանքի կենտրոն։

4. Օգոստոսի 17, 2022

   Լյուբովին տեղափոխեցին նախնական կալանքի կենտրոն։

5. Սեպտեմբերի  20, 2023

   Սկսվեց դատաքննությունը։

6. Դեկտեմբերի 25, 2023

   Լյուբովն ազատ արձակվեց նախնական կալանքից։ Նրա նկատմամբ նշանակվեց տնային կալանք։