Ռուսաստանի իշխանությունները ևս մեկ փորձ են արել՝ սահմանափակելու կրոնական ազատությունը։ Նրանք «Աստվածաշնչի նոր աշխարհ թարգմանությունը» ծայրահեղական ճանաչելու պահանջով դիմել են դատարան։ Դատական նիստը տեղի կունենա 2016 թ. մարտի 15-ին։ Անցած տարի Ռուսաստանի մաքսային աշխատողները աննախադեպ քայլի դիմեցին՝ թույլ չտալով ներմուծել այդ Աստվածաշնչերը։ Այս քայլը ոտնձգություն է քրիստոնեական սուրբ տեքստի հանդեպ։

Ռուսաստանի օրենսդրությամբ արգելվում է Աստվածաշունչը ծայրահեղական հայտարարել։ Սակայն Լենինգրադ-Ֆինլանդսկի տրանսպորտային դատախազը հիմնավորում է իր պահանջը՝ մեջբերելով մի անհատի կարծիք, ով լեզվի մասնագետ չէ։ Եթե դատախազի պահանջը բավարարվի, Ռուսաստանում կարգելվի «Նոր աշխարհ թարգմանության» տարածումը։