Jakob aa tjiwa kutja ma sokukarera Jehova nomutima we auhe, nandarire ngunda Jehova e ha yandja etwako rokutja ovandu kave sokurikotamena kovisenginina. (Eks 20:3-5) Kunao, indu Jehova tja za nokumuraera kutja nga yaruke koBetel, Jakob wa raera ovandu avehe kutja nga ve imbirahi oviserekarera vyovisenginina vyawo. Okuzambo Jakob wa nyona oviserekarera avihe mbi, mbya vi kamburire mo ozongoho zokomatwi, mbya ve zara okutjaera ozombepo ozohakohoke. (Gen 35:1-4) Omukambo wa Jakob mbo wa yandja ondjoroka ku Jehova.

Momayuva wetu, omomuano uṋe mu matu karere Jehova nomutima auhe? Otjiṋa tjimwe otjinanḓengu tjinene eendu tji matu nakaura oviṋa mbi notjiṋa noviserekarera vyomukuru wovisenginina poo ozondjai. Kunao matu sokukonḓonona omanyando wetu nawa. Otjotjihorera, ripura omuini kutja: ‘Hapo mbi lesa omambo poo otupa morungovi tu tu notjiṋa noundjai? Hapo omanyando yandje ye kamburira mo oviruru mbi sepa ombinḓu yovandu (vampires), oviruru mbi ryovandu (zombies), poo oundjai?’ Matu sokukara kokure noviṋa Jehova mbya tonda.—Eps 97:10.

TARERA OKAVIDIO NGA  “PIRUKIREYE SATAN” OKUZAMBO U ZIRE OMAPURIRO NGA:

• Omuhongwa wOmbeibela wena Palesa wa munine ouzeu waye?

• Ongwaye tji matu sokupaha ombatero okuza kovanene vombongo hunga noviṋa mbi mape ya avi kara nozondjai?

• Indu tji matu vanga okukara mondjevero ya Jehova, ovikeṋa mbi matu sokunakaura?

• Palesa wa toora omukambo uṋe omunanḓengu?

• Omomiano viṋe mu mo yenene okuritjevera kozondemone momaturiro weṋu?