Jehova u ku vara otjotjiṋa otjihuze. (Jes 43:4) Eye we ku nanena ku ye na kotjira tje. Mena rokutja we riyandja ku Jehova nu wa papitisiwa, ku nao ove oove ouini we. Eye me ku tjevere otja ouini we ouhuze, nandarire indu tji u ri mouzeu. Okupitira motjira tje eye ma raisa orusuvero rwe oruṱakame kove.—Eps 25:10.

Matu yenene okuraisa ondangi korusuvero oruṱakame rwa Jehova, tji matu munu omuano otjira tje tji tji hakahana okukavatera indu tji kwa tjitwa oviwonga.

TARERA OKAVIDIO NGA ORAPORTA YOKOMITI YOVAWORONGANISE YOMBURA NDJI 2019, OKUZAMBO U ZIRE OMAPUIRO NGA:

• Omomuano uṋe okomiti yovaworonganise mu i rongerisa otutavi twozomberoo mouye okuyenena okuvatera koṋa ku kwa tjitwa oumba?

• Otjira tja Jehova tja yandja vi ombatero ku imba mba wirwa i youmba moIndonesia na Nigeria?

• Otjikwaye tji tje ku tjatere komuano otjira tja Jehova tji tja hakahana okuyandja ombatero moruveze rwomutjise woCorona?