UNGURA OUKUKUTU MOTJIUNGURA TJOKUZUVARISA | KURISA ONDJOROKA YOYE MOTJIUNGURA TJOKUZUVARISA
Vatera ovahongwa voye okukara pozombongarero zombongo
Ozombongarero zombongo orupa orunanḓengu rwomerikotameneno wetu ku Jehova. (Eps 22:22) Avehe mbe ya pamwe okurikotamena ku Jehova ve muna ondjoroka nozondaya. (Eps 65:4) Ovahongwa vOmbeibela ve kura mongamburiro indu tji mave kara pozombongarero zombongo aruhe.
Omomuano uṋe mu mo vatere ovahongwa voye okukara pozombongarero zombongo? Kara po ku ve ṋanga. Ve raisira okavidio nga PEtuwo rOmerikotameneno pe tjitwa tjike? Ve raera ounanḓengu wozombongarero zombongo. (lff ehongwa 10) Ve raera ohunga nepu ndi we rihongo pozombongarero zombongo poo okutara koviṋa mbi mavi kahungirwa kombongarero yombongo. Yandja omambo ngu maye kaungurisiwa kozombongarero zombongo kovahongwa voye. Nu wina ve pa ombatero ndji mave hepa. Ngahino mave hepa otjitoore. Indu omuhongwa woye tje ya kozombongarero zombongo ozongondjero azehe ndu wa tjita kamungandjo.—1Kor. 14:24, 25.
TARERA OKAVIDIO NGA VATERA OVAHONGWA VOYE OKUKARA POZOMBONGARERO ZOMBONGO, OKUZAMBO U ZIRE OMAPURIRO NGA:
-
Neeta wa ṋanga vi Jade kozombongarero zombongo?
-
Ongwaye tji tu kara nenyando indu omuhongwa wOmbeibela tje ya kozombongarero zombongo?
-
“Tjiri, Ndjambi u ri mba mokati keṋu”
Jade wa kamuna ye tje ya kozombongarero zombongo otjikando otjitenga?
