Jehova u vanga kutja tu mu karere mena rokutja twe mu suvera. (Mat 22:37, 38) Indu ovahongwa vetu vOmbeibela tji va suvere Jehova, ihi matji ve hingi okutjita omarundurukiro nokupanḓera po kehi yomarorero. (1Joh 5:3) Orusuvero rwawo ku Mukuru maru ve hingi kutja ve papitisiwe.

Vatera ovahongwa voye vOmbeibela okumuna kutja Jehova we ve suvera. Ve pura omapuriro tjimuna nga: “Ihi matji ku hongo ye ohunga na Jehova?” Poo, “ihi matji raisa vi orusuvero rwa Mukuru kove?” Ve vatera okumuna kutja Jehova u ve vatera vi kourike wawo. (2Ekuruh 16:9) Ve serekarera kutja Jehova wa zuvira vi ozongumbiro zoye, nu ve tunduuza kutja ve yenene okumuna omuano Jehova mu ma zuvire ozongumbiro zawo. Eṱe tu kara nondjoroka indu ovahongewa vetu vOmbeibela tji mave munu kutja Jehova we ve suvera, nokuraisa kutja owo wina va suvera Jehova nu mave vanga okurira omapanga we.

TARERA OKAVIDIO NGA VATERA OVAHONGWA VOYE OKUKURISA OUPANGA WAWO KU NA JEHOVA. OKUZAMBO U ZIRE OMAPURIRO NGA:

• Ouzeu waye Jade mbwa muna?

• Neeta wa vatera vi Jade?

• Omomuano uṋe Jade ma tuurunga ouzeu mbo?