Motjiungura tjokuzuvarisa Jesus aa hungirire kovitjitwa mbyaavi kayenda motjiwaṋa. (Luk 13:1-5) Ove wina mo yenene okuungurisa ovitjitwa mbi mavi kayenda motjiwaṋa okunanena ombango yovandu kombuze yOuhona. Tji wa zu nokuhungirira kouhepe wotjimariva, omaumba, ozondjakaha mokati kotjiwaṋa, ovipurukise noviṋa ohamukwao na imbyo, pura epuriro enanambango. Mape ya otja “Mo munu kutja . . . ?” poo “Mo ripura kutja . . . ?” Okuzambo lesa etjangwa okuza mOmbeibela ndi mari hitasana nepu ndi mwa hungirire ko. Omundu tja raisa onḓero mu raisira okavidio poo embo mOviungurisiwa vyetu vyOkuhonga. Otja tji matu kondjo okuṱuna komitima vyovandu momaturiro wetu “ngatu tjite avihe mena rombuze ombwa.”—1Kor 9:22, 23.

Omapu yeṋe nge nana ombango yovandu momaturiro weṋu?