Omukuma omutenga worungovi rwetu mu kara omapu nozovidio nḓu maze yenene okuvatera imba mbe he ri Ovahongonone va Jehova. (Oviung 13:48) Popengi tu hungirira komapu nge ri mozombuze, poo oviṋa ovandu mbi mave ripurire ko nokuhungirira ko.

Mo yenene vi okuungurisa omukuma omutenga wo jw.org motjiungura tjokuzuvarisa?

• Tara aruhe kutja korungovi rwetu ku na iye. Tara kutja epu riṋe ndi mari hungirirwa komukuma omutenga nokutja mo yenene vi okuungurisa epu ndo okuvatera omundu ngu nonḓero mOmbeibela. (Okuyenena okumuna omapu nga ri pomukuma omutenga nḓereka epu ndi “Tara vyarwe.”) Okutjiwa oviṋa mbi ri korungovi rwetu maku ku vatere kutja u kare nomapu omape ngu mo ungurisa motjiungura tjokuzuvarisa.

• Ungurisa omapu nozovidio nḓe ri pomukuma omutenga okuuta ehungi ku nomundu. Oviungurisiwa mbi mavi yenene okukuvatera okutjiwa kutja ovandu momaturiro weṋu mave ripura ohunga na iye.

• Raisira ovandu omukuma omutenga worungovi rwetu. Ṋunisa omapu kaaṋi nu raisira omundu kutja ma yenene vi okumuna ondjivisiro morungovi rwetu.

• Hinda olinka komundu. Ovandu ovengi kave vanga okuhungira ku na eṱe, posi ya ve kara nonḓero yokukavarura orungovi rwetu. Ku nao, o tira okuhinda olinka ndji ri pomukuma omutenga worungovi rwetu, epu, poo okavidio ku ke ri pomukuma omutenga komundu.