Ouatjiri ohunga nOuhona wa Mukuru
Jesus wa honga ovemukongorere okukumba nai: “Tate yetu ngu u ri momayuru: Ena roye ngari yapurwe; ouhona woye ngau ye; ombango yoye ngai tjitwe na kombanda yehi otja meyuru.” (Mateus 6:9, 10) Ouhona wa Mukuru otjikeṋa? Owo u tjita tjike? Nu ongwaye tji tu sokukumba kutja u ye?
Jesus Ombara yOuhona wa Mukuru.
Lukas 1:31-33: “Ena re mo mu ruku Jesus. Eye ma rire omunene, nu ma isanewa Omuna wa Ndjambi wOkombandambanda. Muhona Ndjambi me Mu pe otjihavero tjouhona tjaihe mukururume David. NEye ma honaparere ozondekurona zaJakob otja ombara nga aruhe; nouhona we kamaau yanda ko!”
Jesus aa zuvarisa ohunga nOuhona wa Mukuru tjinene.
Mateus 9:35: “Jesus wa ryangere movirongo na mozohambo azehe. Eye wa honga mozondjuwo muyamu wongarere ombongo ama zuvarisa Ombuze Ombwa youhona nama verukisa ovandu komitjise na komihihamo pekepeke.”
Jesus wa yandja oviraisiro kovahongewa ve okuvevatera okutjiwa kutja Ouhona wa Mukuru u ri pokuya.
Mateus 24:7: “Otjiwaṋa tjimwe matji sekamene otjiwaṋa otjikwao, nouhona umwe au rwisa ouhona oukwao. Nu koṋa akuhe maku kara ondjara nomanyinganyingiro wehi.”
Ovahongewa va Jesus nai, ve zuvarisa ohunga nOuhona wa Mukuru mouparanga wouye auhe.
Mateus 24:14: “Nu indji Ombuze Ombwa yOuhona mai zuvarisiwa mouye auhe i rire omahongononeno koviwaṋa avihe; nomaandero indino otji maye ya.”
Mo yenene okutara ku imbi wina
ESSENTIAL BIBLE TEACHINGS
Ouhona waMukuru otjikeṋa?
Motjiungura tje tjokuzuvarisa kombanda yehi, Jesus aa hongo ohunga nOuhona waMukuru okukapita omapu warwe. Momaserewondo omengi, ovandu ve kumbira ouhona mbo okuya.
