“Ouhona woye ngau ye”—ongumbiro ovandu ovengi ndji ve kumba
Hapo wa rora okukumba kutja Ouhona wa Mukuru u ye? Oure wozombura ozengi, ovandu ovengi va yarukira po omambo nga “Ouhona woye ngau ye.” Omena raye tjaave kumbu nao? Mena rokutja Jesus wa raera ovemukongorere okukumbira Ouhona wa Mukuru.
Rutenga, ovakongorere va Jesus kaave zuu nawa oviṋa avihe eye mbya hungira ohunga nOuhona wa Mukuru. Otjikando tjimwe ve mu pura kutja: “Muhona, Ovaisrael mo ve yarurire rukwao ouhona momayuva nga poo?” Owo mape ya va himinwe indu Jesus tje hina we vepa eziriro ekahu. (Oviungura 1:6, 7) Hapo iho matji hee kutja eṱe kamaatu tjiwa kutja Ouhona wa Mukuru otjikeṋa nokutja mau ya ruṋe? Kako katjiperi.
Okambo kOruhungu nga make ku vatere okumuna omaziriro komapuriro ngu maye kongorere kehi mba:
Ongwaye tji tu hepa Ouhona wa Mukuru?
Ouṋe ngu ri Ombara yOuhona wa Mukuru?
Ouhona wa Mukuru mau utu ruṋe okuhonaparera po ouye?
Ouhona wa Mukuru mau yenenisa ye?
Ongwaye tji matu sokuyandja oruvara kOuhona wa Mukuru nai?
Ouhona wa Mukuru otjikeṋa?
Mo yenene okutara ku imbi wina
ESSENTIAL BIBLE TEACHINGS
Ouhona waMukuru otjikeṋa?
Motjiungura tje tjokuzuvarisa kombanda yehi, Jesus aa hongo ohunga nOuhona waMukuru okukapita omapu warwe. Momaserewondo omengi, ovandu ve kumbira ouhona mbo okuya.
